POP 5

Lajmet më të lexuara të 5 minutave të fundit

Kronikë

VIDEO/ Përfshihet nga flakët vendgrumbullimi i paligjshëm i mbetjeve te ish-Metalurgjiku në Elbasan, dyshohet i qëllimshëm

Report Tv mëson se zjarrfikësja në vendngjarje dhe po punon për të shuar flakët, ndërsa dyshohet për zjarrvënie të qëllimshme. Më herët janë përfshirë nga flakët edhe fusha të tjera të mbetjeve në Vlorë, Fier, Lushnjë, Patos dhe Laç.

Një tjetër vendgrumbullim i paligjshëm mbetjesh është përfshirë nga flakët këtë mbrëmje në Elbasan. Mësohet se vendgrumbullimi i paligjshëm i mbetjeve ndodhet në zonën e ish-Kombinatit Metalurgjik. Report Tv mëson se zjarrfikësja ndodhet në vendngjarje dhe po punon për të shuar flakët, ndërsa dyshohet për zjarrvënie të qëllimshme.

Kjo nuk është hera e parë që mbetjet digjen në natyrë, duke shkaktuar kështu plagë mjedisore kancerogjene edhe pse ka impiante për përpunimin e tyre. Kujtojmë rastin e fundit në Fier, ku mbetjet urbane u dogjën dhe zona mbeti nën pushtetin e tymit. 

Si pasojë e flakëve dhe tymit të ngritur në ajër, shtëpi e biznese të shumta në afërsi të vendit të quajtur Mbrostar, u mbuluan nga tymi, gjë që ka shkaktuar jo pak shqetësim tek banorët.

Përgjatë sezonit veror, ngjarje të tjera u regjistruan edhe në Kavajë, jo shumë larg vijës bregdetare, por edhe në Vlorë dhe në vendgrumbullimin e mbetjeve në Laç.

Nga ana e kryeministrit Edi Rama ky fenomen është konsideruar si “ndotje e rëndë mjedisore”, ku në dy takime që ka mbajtur kohët e fundit me kryebashkiakët e vendit u ka kërkuar zgjidhjen e menjëhershme të çështjes së mbetjeve.

Kreu i qeverisë iu la edhe afat që fenomene të tilla të mos ndodhin më. Rama ka këmbëngulur se asnjë bashki nuk duhet t’i shmanget përgjegjësisë dhe mbetjet të shkojnë në inceneratorët e ngritur.

 

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Spahiu: Berisha ekziston në politikë sepse i duhet Edi Ramës, si skemë për mandatin e 4 dhe 5

Spahiu: Berisha ekziston në politikë sepse i duhet Edi Ramës, si skemë për mandatin e 4 dhe 5

26 Dhjetor, 21:54