POP 5

Lajmet më të lexuara të 5 minutave të fundit

Kronikë

Përfundojnë hetimet për tërmetin në Durrës, dosja në gjykatë brenda tetorit! Cilësia e dobët e betonit e hekurit, rëndoi bilancin tragjik me 24 viktima

Bilanci tragjik me 24 viktima pas tërmetit të nëntorit 2019 në Durrës ka ardhur edhe si pasojë e ndërtimeve jo cilësore. Burime nga Prokuroria e Durrësit sqaruan për Report TV, se nga ekspertizat teknike ka rezultuar se betoni dhe hekuri i përdorur tek ndërtesat e shembura ka rezultuar jashtë standardit të kërkuar. Ndërsa nga 17 të arrestuar e 35 të shoqëruar si përgjegjës të kësaj situate, askush s'ndodhet në qeli. Dosja tërmetit brenda muajit tetor do të shkoj në gjykatën, ku nën akuzë janë ndërtues, biznesmen, inxhinier ndërtimi dhe kolaudator.

Cilësia e dobët e betonit dhe hekurit kanë rënduar bilancin e pasojave të tërmetit të 26 nëntorit në Durrës që tragjikisht i mori jetën 24 personave.

Burime nga prokuroria e Durrësit sqaruan për Report Tv se kanë administruar ekspertizat për cilësinë e betonit dhe hekurit në godinat e dëmtuara, nga ku ka rezultuar se janë nën standardin e kërkuar.

Aktualisht hetimet janë në fazën e fundit dhe pritet që brenda muajit tetor dosja të shkoj në gjykatë me të pandehur biznesmen, ndërtues, inxhinier, konstruktor dhe kolaudator.

Këta shtetas sipas prokurorisë kanë konsumuar element të veprës penale duke certifikuar ndërtime të cilat në realitet kanë qenë jashtë standardit dhe kushteve teknike të ndërtimit.

Nga 17 të arrestuar nga prokuroria e Durrësit dhe 35 të shoqëruar pas tërmetit të 26 nëntorit aktualisht askush s'ndodhet në qeli, pasi drejtësia ka vendosur hetimin e tyre në gjendje të lirë dhe për 4 persona arrest shtëpie.

Tërmeti i 26 nëntorit 2019 shkaktoi mes 24 viktimave në Durrës dhe humbjen e jetës së katër fëmijëve të mitur, dy prej tyre dy vjeç dhe dy 8 vjeçar.

Ky hetim është ndjekur nga një grup prokurorësh në qytetin e Durrësit ndërsa rezultati i cilësisë së dobët të betonit dhe hekurit të përdorur në konstruksion, është arritur nga analizimi i mostrave të marra në çdo objekt ku janë shënuar viktima.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça