Përfundon faza e parë e investimit në Qendrën Kombëtare të Transfuzionit të Gjakut. Ministrja e Shëndetësisë dhe Mbrojtjes Sociale, Ogerta Manastirliu, ka inspektuar investimin e ri, që është ndërhyrja e parë e plotë në këtë qendër kombëtare, pas më shumë se katër dekadash.
"Faza e parë e punimeve dhe investimit në Qendrën Kombëtare të Transfuzionit të Gjakut ka përfunduar, ne bëhemi gati për fillimin e fazës së dytë. Tashmë ne rrisim cilësinë dhe standardin në Qendrën tonë Kombëtare, e cila koordinon të gjithë strukturat dhe bankat e gjakut në të gjithë Shqipërinë, duke mundësuar të kemi më shumë kapacitete sa i përket përpunimit të gjakut, grumbullimit të gjakut dhe kërkimit shkencor. Kemi vendosur si objektiv që ky investim së bashku edhe me pajisjet, të përfundojë në muajin qershor të këtij viti",- deklaroi Manastirliu.
Gjatë inspektimit, Ministrja e Shëndetësisë dhe Mbrojtjes Sociale foli edhe për digjitalizimin e bankave të gjakut.
"Me sistemin e ri informatik të menaxhimit të bankave të gjakut do kemi mundësi që të kemi në kohë reale të gjithë rezervën e gjakut të evidentuar, do të kemi mundësi që fushatat tona të ndërgjegjësimit për të dhuruar gjak, të jenë jo vetëm më intensive, por të kemi mundësi edhe të kemi evidenca shkencore dhe në kohë për të gjitha ata të cilët janë dhurues vullnetarë",- nënvizoi Manastirliu.
Transformim i qendrës së dhurimit dhe bankës të gjakut, pajisje të teknologjisë së lartë, rikonstruksion i plotë i godinës, por edhe riorganizim i shërbimeve, janë të parashikuara në investimin që pritet të përfundojë brenda këtij viti në Qendrën Kombëtare të Transfuzionit të Gjakut. Ndërhyrja e plotë në strukturën e godinës, do të mundësojë ngritjen e një qendre dinjitoze dhe bashkëkohore të cilësisë të lartë, e cila do të plotësohet me shërbimet laboratorike, të përpunimit dhe menaxhimit të bankës së gjakut, sipas standardeve evropiane. Investimi në Qendrën Kombëtare të Transfuzionit të Gjakut do të rrisë edhe kapacitetet e burimeve njerëzore të shërbimit shëndetësor, por edhe do të çojë në një tjetër nivel edhe kërkimin shkencor në këtë fushë.
Lajme të tjera
-
Koçiu: Shërbim dentar falas edhe të shtunën e parë të çdo muaji për të moshuarit
26 Tetor, 15:52 -
Dy ditët e fundit të hetimorit të shëndetësisë! Të hënë dhe të martë dëshmojnë ministra dhe ish ministra, pritet ardhja e Ilir Beqajt nga burgu
19 Tetor, 15:45 -
Partia Demokratike denoncon: Ministria e Shëndetësisë ka monopolizuar blerjen e oksigjenit mjekësor në duar të dy kompanive! Çmimi 3-4 herë më i lartë se rajoni
19 Tetor, 11:15 -
Ministrja Koçiu: 80 mijë pushues morën shërbim në qendrat shëndetësore verore
16 Tetor, 14:47 -
Qeveria ligj të ri për kërkimin shkencor/ PD: Qeveria po e centralizon! Manastirliu: Nuk preket autonomia e Universiteteve në shkencë
9 Tetor, 16:51 -
Skema Kombëtare e Investimeve për fermerët, Veliaj: Aplikoni deri më 8 Nëntor për të përfituar falas pajisje që lehtësojnë punën tuaj
8 Tetor, 16:21 -
Manastirliu inspekton shkollën ‘Hasan Prishtina’ në Tiranë: 300 shkolla të pajisura me laboratorë
4 Tetor, 12:39 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Paketa e Sigurisë/ Ministri Hoxha: Mbikqyrim shkollat me kamera sigurie, me 'SmartCity' monitorimi do jetë me inteligjencë artificiale
30 Shtator, 12:51 -
Manastirliu: 500 shkolla Qendra Komunitare, forcojmë bashkëpunimin mes shkollës dhe komunitetit kundër fenomeneve negative
30 Shtator, 12:08 -
Liceu Artistik 'Jordan Misja' dhe Shkolla Koreografike në Tiranë me status! Kanë autonomi menaxheriale dhe financiare
21 Shtator, 15:15 -
Hyn në fuqi udhëzimi për dypunësimin e mjekëve, mjeku mbetet në dorën e titullarit publik pas kërkesës që dërgon
20 Shtator, 12:12
