‘Përfundon në shtator’, Rama në kantierin e rindërtimit në Fushë-Krujë, batuta me punëtorët: Janë demokratë të çmendur! Kryeministri: Mbaji se mos na hidhen (VIDEO)
Kreu i qeverisë Edi Rama, i shoqëruar nga ministri për Rindërtimin Arben Ahmetaj ka qenë ditën e sotme i pranishëm duke inspektuar nga afër procesin e rindërtimit në Fushë-Krujë. Në lagjen ‘Rilindja’, shtëpitë individuale dhe apartamentet po marrin formë dhe në vjeshtë do të jenë gati
Redaksia 30 Prill 2021, 09:45 | Përditesimi: 30 Prill 2021, 16:13
Në shtator mbyllet tërësisht kantieri i rindërtimit në Fushë-Krujë. Gjatë inspektimit që Kryeministri Rama bëri sot në kantierin e lagjes, Ministri i Shtetit për Rindërtimin Arben Ahmetaj njoftoi sot se deri në shtator, në Fushë-Krujë mbarojnë shtëpitë individuale dhe ndërtesat kolektive. Pas goditjes që mori nga tërmeti, në Fushë-Krujë po ngrihet nga themelet një nga laget model të me infrastrukturë moderne dhe shërbime pranë banesave.
“Kemi 124 shtëpi individuale dhe mbi 150 apartamente. Sa i përket pallateve, deri në shtator, gjithë kantieri është mbyllur Të dyja lotët, edhe shtëpitë individuale, edhe apartament janë të mbyllura”, - u shpreh ministri Ahmetaj.
Kryeministri Rama vlerësoi cilësinë e punimeve dhe ritmin e tyre. Pallatet do të kenë edhe një kat nëntokë për parkim, ndërsa katet e para do të jenë ambiente për shërbime e biznese. Nga ana tjetër, shtëpitë individuale janë pothuajse të përfunduara e tashmë janë në pritje për t’u marrë në dorëzim nga familjet.