Përfundon seanca ndaj të arrestuarve për sulmin në veri! 30 ditë paraburgim për 3 të dyshuarit

Seanca dëgjimore në Gjykatën Themelore në Prishtinë ndaj 3 të dyshuarve për sulmin terrorist në Banjskë ka përfunduar.

Në seancë është shqyrtuar kërkesa e Prokurorisë Speciale për caktimin e masës së paraburgimit, ku është caktuar masa prej 30 ditëve.

Të dielën e 24 shtatorit 2023 sulmuesit serbë i zunë pritë njësitët policor afër fshatit Banjskë në Zveçan dhe vranë policin Afrim Bunjaku. Në aksionin e Policisë, dhjetëra sulmues të armatosur e uniformuar serbë u rrethuan në fshatin Banjskë. Policia u sulmua në vazhdimësi nga sulmuesit.

Nga fillimi i aksionit e deri më tani janë konfirmuar tre serb të vrarë dhe gjashtë të arrestuar. Është kapur edhe arsenal armësh, ndërsa disa sulmues të tjerë tashmë është thënë se kanë ikur e po trajtohen në spitalet e Serbisë.

Të hënën në mbrëmje janë publikuar pamjet nga droni, në të cilën shihen lëvizjet e sulmuesve serbë brenda dhe jashtë Manastirit të Banjskës.

Lajmi kryesor:

Sulmi në Veri të Kosovës, Kurti: Në Bruksel, Vuçiç na tha se Radojiçiç do bëhet 'Adem Jashari' i serbëve! Policia përfundon bastisjet në Banjskë

S.S/Shqiptarja.com

TAG:
• kosove
• serbi
• tensione ne veri te kosoves