Presidenti francez Emmanuel Macron mundi rivalen e tij të ekstremit të djathtë Marine Le Pen të dielën me një diferencë të madhe votash. Sipas rezultateve të Exit Poll-eve, Emmanuel Macron parashikohet që të marrë 58.2% të votave, duke lënë pas kandidaten e krahut të djathtë Marine Le Pen, e cila ka marrë 41.8% të votave.
Në fjalimin e tij të fitores, Macron falenderoi të gjithë mbështetësit, ndërsa u zotua se nuk do të vijojë me metodat e 5 viteve të shkuara, por theksoi se do të jetë president i të gjithëve.
Nga ana tjetër, udhëheqësja e ekstremit të djathtë Marine Le Pen, pranoi humbjen dhe u tha mbështetësve se rezultati është një fitore për partinë e saj. ‘Respektojmë verdiktin e kutisë së votimit’, tha ajo. Le Pen shtoi se do të vazhdojë luftën e saj në politikën franceze, megjithëse më parë kishte thënë se mund të largohej nga politika nëse humbiste.
Momentet e gëzimit u panë në ekranet e mëdha afër Kullës Eiffel, ku ishin mbledhur mbështetësit e Macronit, të cilët mbanin flamuj francezë dhe të Bashkimit Evropian. Pjesëmarrja e votuesve ishte më e ulëta, për një balotazh presidencial që nga viti 2002, sipas të dhënave të qeverisë të publikuara pasdite.
Macron dhe Le Pen kaluan në balotazh pasi përfunduan në vendin e parë dhe të dytë, respektivisht, midis 12 kandidatëve që garuan në raundin e parë më 10 prill. Formacioni i raundit të dytë ishte një përsëritje e balotazhit presidencial të vitit 2017, kur Macron, atëherë një i sapofutur në politikë, mposhti Le Pen.
Aftësia e Le Pen për të tërhequr votues të rinj që nga viti 2017, është treguesi më i fundit se publiku francez po i drejtohet politikanëve ekstremistë për të shprehur pakënaqësinë e tyre.
Presidenti Ilir Meta ka reaguar për fitoren e Emmanuel Macron duke uruar se rizgjedhja e tij si president i Francës do të nxitë mbështetjen që procesi i integrimit të Shqipërisë dhe vendeve të Ballkanit Perëndimor të përfundojë me sukses.
Meta shton se ka besim që do të vijojë bashkëpunimi i ngushtë dypalësh mes Shqipërisë dhe Francës ndërsa pret që partneriteti euroaltantik do të rritet dhe forcohet më shumë gjatë mandatit të ri të Macron.
"I nderuar Zoti President, Shkëlqesia Juaj, Emmanuel Macron,
Rizgjedhja Juaj si President i Francës, më jep kënaqësinë e veçantë që, në emër të popullit shqiptar dhe në emrin tim personal, t’ju përcjell urimet më të përzemërta e të sinqerta për përmbushjen me sukses të misionit Tuaj në drejtimin e Republikës Franceze. Besoj fort se marrëdhëniet e shkëlqyera midis Shqipërisë dhe Francës, miqësia, bashkëpunimi dhe partneriteti euroatlantik do të rriten e forcohen edhe më shumë, gjatë mandatit tuaj të ri.
Bashkëpunimi i ngushtë dypalësh edhe shumëpalësh është shumë i rëndësishëm sot, si në kuadër të Këshillit të Sigurimit të OKB-së, ashtu edhe si vende të NATO-s, veçanërisht në përballjen me sfidat rajonale, europiane dhe globale që të dy vendet tona kanë përpara. Duke shprehur mirënjohjen për mbështetjen e vazhdueshme që Franca i ka dhënë Shqipërisë dhe të gjitha vendeve të Ballkanit Perëndimor, përgjatë procesit të integrimit në Bashkimin Europian, shpresoj fort se, rizgjedhja Juaj si President i Francës do të nxisë edhe më fort mbështetjen që ky proces i rëndësishëm gjeostrategjik rajonal dhe europian të përfundojë me sukses dhe në kohën e duhur", tha Meta.
Emmanuel Macron e ka nisur fjalimin e tij duke falënderuar të gjithë ata që i kanë besuar duke e rizgjedhur si president të Francës. Macron u shpreh se është i vetëdijshëm se disa vota i ka marrë nga ata që kanë synim të bllokojnë të djathtën ekstreme.
“Pas 5 vitesh transformim, më keni zgjedhur edhe për 5 vite të tjera. Dua të falënderoj të gjithë francezët që kanë besuar tek unë për të realizuar projektin tonë për një Francë më të pavarur dhe më të fortë. U them atyre që kanë votuar për të djathtën ekstreme që do të jetë përgjegjësi e imja dhe ekipit tim që të adresojmë shqetësimet e tyre. Kjo është epokë e re, nuk do të vazhdojmë me metodën e 5 viteve të shkuara.
Unë do të punoj që të kemi një shoqëri më të drejtë dhe barazi mes burrave dhe grave. Ne duhet të tregojmë respekt dhe askush nuk do të lihet anash. Unë nuk jam më kandidat i një kampi, por president i të gjithëve. Ne kemi shumë për të bërë dhe lufta në Ukrainë na kujton se po kalojmë kohë tragjike”, tha Macron.
Emmanuel Macron ka mbërritur në kullën Eiffel dhe pritet të flasë për fitoren e tij në zgjedhjet presidenciale.
Teksa po shkonte drejt podiumit, ishte kapur për dore me gruan e tij Brigitte ndërsa shoqëroheshin nga një grup fëmijësh dhe në sfond ishin tingujt e simfonisë “Ode to Joy” të Beethoven.
Macron ndalonte për të përshëndetur mbështetësit e tij duke i dhënë dorën.
Kryeministri Edi Rama ka uruar Emmanuel Macron pasi Exit Poll e nxjerrin fitues të zgjedhjeve presidenciale në Francë.
Ndër të tjera, Rama shkruan se mezi pret që të Macron të vizitojë Shqipërinë.
“Sapo e kam uruar Presidentin e rizgjedhur të Francës, Emmanuel Macron, të cilin uroj që së shpejti ta mikpresim në Shqipëri në vizitën e parë të një kreu të shtetit francez në vendin tonë”, tha Rama.
Udhëheqësja e ekstremit të djathtë, Marine Le Pen ka pranuar humbjen në raundin e dytë të zgjedhjeve presidenciale franceze, por tha se do të vijojë betejën.
Teksa fliste para mbështetësve të saj, pati brohoritje të mëdha ndërsa Le Pen u tha se kishin arritur një rezultat historik. Le Pen përmendi zgjedhjet legjislative që do të mbahen në qershor duke thënë se beteja nuk ka përfunduar ende.
“Në vendin tonë mund të frynte një erë lirie, por kutitë e votimit treguan të kundërtën. Rezultatet e sotme përfaqësojnë fitore. Në këtë humbje, ndjej një shpresë. Sonte ne nisim betejën e madhe të zgjedhjeve legjislative. Unë nuk do i braktis francezët. Rroftë Franca”, tha Le Pen në një fjalim të shkurtër.
Ndërkohë mbështetësit e saj e ndërprenë duke bërtitur me të madhe “Marine, Marine, Marine”.
Marine Le Pen hodhi edhe akuza ndaj kundërshtarit të saj Emmanuel Macron se ka kryer fushatë me mashtrime, ndërsa vijoi falenderimet për mbështetësit.
Presidenti i Këshillit Evropian, Charles Michel, ka përshëndetur rezultatin e zgjedhjeve presidenciale në Francë dhe ka uruar Emmanuel Macron për fitoren e tij të parashikuar.
‘Urime të ngrohta i dashur Emmanuel Macron. Në këto kohë të trazuara, ne kemi nevojë për një Evropë solide dhe një Francë që është plotësisht e përkushtuar ndaj një Bashkimi Evropian më sovran dhe më strategjik.’- shkruan Micheal.
Urimit të tij i bashkohet edhe presidentja e Komisionit të BE-së, Usula von der Leyen, e cila thotë se mezi pret të punojë edhe një herë me presidentin e rizgjedhur.
‘I dashur EmmanuelMacron, urime për rizgjedhjen tuaj si President i Republikës. Mezi pres të vazhdojmë bashkëpunimin tonë të shkëlqyer. Së bashku, ne do të çojmë Francën dhe Evropën përpara.’- shkruan Von der Leyen.
Kryetari i grupit parlamentar të PS, Taulant Balla ka reaguar duke përgëzuar Emmanuel Macron pasi Exit Poll e nxjerrin fitues të zgjedhjeve presidenciale në Francë.
“Përgëzime Emanuel Macron për mandatin e dytë! Një fitore e rëndësishme e progresistëve dhe e Europës së Bashkuar kundër ekstremizmit dhe së djathtës ekstreme”, shkruan Balla.
Komente
Lajme të tjera
-
U fsheh në Spanjë pas arratisë, ekstradohet në Angli 46-vjeçari shqiptar! Kreu i NCA: Trafikonte klandestinë nga Franca dhe Belgjika, siguronte pajisjet për organizatën (EMRI)
21 Nëntor, 22:15 -
Cilat vende e kanë ndaluar TikTok-un dhe pse?
20 Nëntor, 22:33 -
VIDEO/ Tension në Paris, përplasje mes tifozëve të Francës dhe Izraelit
15 Nëntor, 08:59 -
Francë/ Prokuroria në Paris kërkon dënimin me 5 vjet burg dhe 300 mijë euro gjobë për Marine Le Pen
14 Nëntor, 14:23 -
Liga e Kombeve/ Parisi 'blindohet' me 4 mijë policë, luhet Francë - Izrael! Në stadium dhe Macron, sot edhe Italia e Anglia
14 Nëntor, 10:05 -
Mickoski shprehet optimist për integrimin evropian pas takimit me Macronin
8 Nëntor, 22:33 -
Francë/ Përleshje në metro, 4 të rinj plagosen me sëpatë
4 Nëntor, 14:21 -
Rodri fiton ‘Topin e Artë’ 2024! Real Madrid bojkoton ceremoninë dhe akuzon për komplot, Ancelotti ‘Trajneri i vitit’! Yamal e ardhmja
29 Tetor, 08:04 -
Vinicius Junior favorit, të hënën zhvillohet ceremonia e 'Topit të Artë' në Paris
27 Tetor, 22:04 -
Francë/ Deputeti i të majtës ekstreme kapet duke blerë drogë në rrugë
22 Tetor, 19:08 -
Franca premton mbështetje për planin e Ukrainës për t’i dhënë fund pushtimit rus
19 Tetor, 15:13 -
Vizita e Presidentit Biden në Gjermani, bisedime për Lindjen e Mesme dhe Ukrainën
18 Tetor, 21:48
Bravo makron. Urime per fitoren.ju lutemi punzoni edhe per shqiperin. Ndyshe po' erdhi rusi ne ballkon u shkaterruar edhe Europa.
PërgjigjuShkolla jote left chat