POP 5

Lajmet më të lexuara të 5 minutave të fundit

Sociale

Përgatitjet e shkollave, Kushi në Roskovec: E nisim vitin shkollor me mjedise moderne dhe terrene të reja sportive

Ministrja e Arsimit dhe Sportit, Evis Kushi ka vijuar me inspektimet e shkollave. Këtë herë në 3 shkolla të Roskovecit që po behën gati për vitin e ri shkollor. 

Përgatitjet e shkollave, Kushi në Roskovec: E nisim vitin shkollor me mjedise moderne dhe terrene të reja sportive

Evis Kushi

Ministrja e Arsimit dhe Sportit, Evis Kushi ka vijuar me inspektimet e shkollave. Këtë herë në 3 shkolla të Roskovecit që po behën gati për vitin e ri shkollor.

Një nga institucionet arsimore që i është nënshtruar një rikonstruksioni të plotë me financim të Ministrisë së Arsimit dhe Sportit, është shkolla 9 vjeçare “5 Dëshmorët” në Suk 1 të Roskovecit.

Së bashku me kryetaren e bashkisë Majlinda Bufi dhe deputetin e zonës Baftaj Zeqaj panë nga afër punimet.

“Gjatë kësaj periudhe ne duhet të jemi të fokusuar te përgatitjet e fillimit të vitit të ri shkollor në datën 11 shtator. Dhe kur flasim për përgatitjet, sigurisht infrastruktura është e para, godina, klasat, laboratorët, bibliotekat, terrenet sportive. Çdo vit Ministria e Arsimit dhe Sportit ka një buxhet të dedikuar për infrastrukturën shkollore, ku bashkitë aplikojnë me projekte. Vitin e kaluar Bashkia e Roskovecit ka qenë përfituese me shkollën “5 Dëshmorët””, – tha  Kushi.

Ministrja Kushi pa nga afër edhe punimet në palestrën e shkollës, ambiente të cilat do të jenë edhe në shërbim të komunitetit në orët e pasdites.

“Ajo që do të vlerësoja unë këtu është se punimet janë me standarde të larta, çka bën që vitin e ardhshëm kjo shkollë të jetë në shumë projekte. Ne kemi projektin shkolla qendër komunitare, projektin bëjmë detyrat e shtëpisë, ekipet sportive, arti dhe zejet, mirëpo të gjitha këto projekte janë të kushtëzuara nga infrastruktura, nga kushtet”, u shpreh ministrja.

 

M.T/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Boli Tukes: 30/08/2023 22:18

    Po Mbrojteset e shkalleve ku jane apo le te bien femijet nga shkallet se ska problem.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

VIDEO/ Momente tmerri! Dalin pamjet brenda avionit para rrëzimit në Kazakistan të filmuar nga një prej pasagjerëve

VIDEO/ Momente tmerri! Dalin pamjet brenda avionit para rrëzimit në Kazakistan të filmuar nga një prej pasagjerëve

25 Dhjetor, 16:37