Përgjimet/ Dyshimet se dikush nga Bashkia i ka tradhtuar, drejtori: Kryetari më tha se 'do ta gjejë tha, do ti q* nënën'

Në biseda mes biznesmenit Ibrahim Lami dhe drejtorit të Ndërmarrjes së Pasurive Publike, Flamur Peqini, flitet për dyshimet se një nga punonjësit e Bashkisë i ka shitur te biznesmeni i kompanisë humbëse.

Biseda e zbardhur
Flamur Peqini: Ja çuam përgjigjen që të premten, unë tani, ja qëndisa, ja çova, shohim çfarë do të bëjë ai. Po kush e di tani, ça të them unë.
Ibrahim Lami: Tashi ku ka të drejtë të ankohet ai…A ju vë në dijeni juve ai?
Flamur Peqini: Ankohet aty tani te APP dhe normal na vë në dijeni edhe neve, ai na nis një shkresë dhe ne ai, si rregull nuk bie dakord me përgjigjen ai dhe bën një ankesë te APP
Ibrahim Lami: E marr vesh, e marr vesh. Po si ky ka burrë i poshtër qenka?
Flamur Peqini: Më të poshtër nuk ke ku të gjesh, por hajt ne e bëmë atë që duhet bërë
Ibrahim Lami: A e di ti, çfarë halli kam unë, se dikush aty nga brenda ja ka çuar informacion atij.
Flamur Peqini: Jo nga aty jo, por nga ata lart po.
Ibrahim Lami: Nuk e di se një ja ka çuar. Këtë mbaje për vete se ma tha kryetari mua. Do ta gjejë tha, do ti q* nënën, tha.
Flamur Peqini: E di unë e di. Kam edhe një aludim aty lart, ai që ke folur gjithmonë, ai juristi, jo ky, flas për juristin, jo ky se nuk arrin deri në atë fazë ky.
Ibrahim Lami: Se di jo, mirë është të dali se ai këtu le të hajë veten me dhëmbë se nuk e le, “B…..” këtë herë këtë punë.

Lajmi kryesor:

'Uaa do na marrë SPAK-u në pyetje...ky telefon s'është për biseda', zbardhen përgjimet që prangosën kryebashkiakun e Lushnjes e 9 zyrtarët! Tushe i jepte naftë falas gazetarit e djalit të deputetit

B.K./Shqiptarja.com

TAG:
• spak
• pergjime
• lushnje
• Fatos Tushe
• ibrahim lami
• Bujar Murati
• arrestimet ne bashkine lushnje
• flamur peqini