Taksa në Rrugën e Kombit, Rama: Ide e Berishës. Ish-kryeministri: S'e zbatova

Pagesa në Rrugën e Kombit është bërë temë debati në seancën e sotme plenare. Kryeministri Edi Rama është përplsaur me ish-kryeministrin Sali Berisha dhe kryedemokratin Lulzim Basha, teksa ky i fundit e ka quajtur të pacipë për vendimin për të taksuar Rrugën e Kombit. Nga ana e tij, Rama sqaroi se vendimmarrja për të vendosur tarifën për përdoruesit e Rrugës së Kombit e ka zanafillën në vitin 2010, kur vendi qeverisej nga Sali Berisha, duke thënë se kryeministri i asaj kohe mori iniciativën për të hapur këtë proces, por dështoi se nuk e mirëmbajti dot rrugën.

Në kundërpërgjigje ndaj tij, ish-kryeministri Berisha pranoi se pagesa në Rrugën e Kombit ishte ideja e tij, duke sqaruar se për këtë ai bëri një studim së bashku me ministrin e asaj kohe, Sokol Olldashi, dhe vendosi që taksa të mos vihej zbatim.

"Debati mbi këtë temë nuk ja vlen, është debat që nuk ka dy anë që diskutojnë në rrugën e arsyes, por ka një anë që ecën në rrugën e arsyes dhe një anë tjetër që nuk mban përgjegjësi për atë që thotë. Ja vlen shpjegimi, pasi kjo është eksperiencë e parë për vendin tonë, që është i vetmi vend në Evropë e rajon që deri më sot nuk ka pasur asnjëherë një eksperiencë të tillë. Vendimmarrja për të vendosur tarifën për përdoruesit e Rrugës së Kombit, se nuk është taksë, e ka zanafillën më 2010. Kryeministri i kësaj kohe mori iniciativën për të hapur këtë proces dhe tha publikisht si rrallë në karrierën e tij atë që sot e mohon. ‘Ne e ndërtuam për ta mirëmbajtur, nuk e mirëmbajmë dot’, kjo nuk është një fjalë kot. Pamundësia e mirëmbjajtjes ka sjellë degradime në atë aks, rrëshqitje, rënie, përmbysje.

LEXO EDHE:
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër

Edi Rama, kryeministri

“Vijmë të çështja që ka tronditur kombin. Për herë të parë në këto vite lirime, pjesa e kombit që jeton në Kosovë proteston, bllokon rrugën e komunikimit me Shqipërinë. Unë i përgëzoj ata qindra kamionistë, të cilët ndërmorën një protestë apel për ndërgjegjen shoqërore dhe kombëtare të çdo shqiptarë, por këta s;kanë ndërgjegje. Është e vërtetë, që më 2011, qeveria e kryesuar nga unë dhe me ministër të ndjerin Olldashi bëmë të gjitha studimet. Pas studimit, u vendos që taksa të mos vihet.

Unë nuk jam kundër fondeve për mirëmbajtjen e rrugëve, unë do t’i votoj të gjitha fondet që do sillni në Parlament. Por të caktosh 5 milionë dollarë për mirëmbajtjen e rrugëve, që janë 18 mijë km në mbarë vendin, do të thotë se nuk jeton në këtë vend, s’ke përgjegjësinë më minimale.

Mirëmbajtja e rrugëve t’iu jepet kompanive private, që kanë fuqi të madhe ekspertize. Ne reformuam edhe drejtorinë e përgjithshme të rrugëve.

Ata që fshihen si mi pas shpatullave të mia, i pyes: Pse nuk e vura unë taksën, aty e kisha studimin. Ne nuk vumë, bashkë me ministrin ramë dakord që kjo nuk do të ishte me tarifë dhe nuk u vendos. Por jeni të pafytyrë”

Sali Berisha, ish-kryeministri i vendit.

• Share

Lulzim Basha, kreu i PD

"Rama ra me këmbët e veta në gropën që ka hapur. Ai nuk mban përgjegjësi për atë që thotë dhe atë që bën. Në 5 vite në pushtet Rama e ka rritur dy herë taksën e qarkullimit. 100 lekë në janar 2014, 100 lekë në janar 2015, duke shtuar edhe TVSH vlera totale e taksës Rama mbi çdo litër benzinë apo naftë është 240 lekë për litër".

Lulzim Basha, kryetar i PD

"Pasi qeveria e mëparshme e kuptoi që një rrugë, që deri më sot i ka kushtuar taksapaguesve 1.4 mld euro, procesi dështoi, sepse nuk u ndërtua si duhet. Ne e rimorëm procesin, menjëherë që në 2014, me urdhrin e ministrit Haxhinasto dhe me fillimin e një pune që ka marrë dy vjet kohë që është bërë me ekspertë vendas e ndërkombëtarë, për t’u finalizuar në dhjetor 2016. Në këtë kohë, ky proces u përmbyll dhe nuk pati debate dhe këtu nuk llogaris LSI, se dihet që kur është në pushtet ka tjetër mendje dhe kur del nga pushteti ka mendje tjetër.

Ne thjesht kemi ecur sipas procesit të nisur nga Haxhinasto dhe të përmbyllur nga Dervishaj. Për punën e tyre në këtë proces kam gjithë respektin, pasi është bërë punë profesionale. Nëse dimri nuk solli asnjë sekondë bllokim, edhe kjo lidhet me këtë proces, me kompaninë që ka nisur mirëmbajtjen. Nuk ka 1000 rrugë për rrugët, ka vetëm dy rrugë, ose paguajnë të gjithë taksapaguesit për mirëmbajtjen, ose paguajnë të gjithë përdoruesit e rrugëve. Sot është rivënë në diskutim në Gjermani, sot ka nisur debati për vendosjen e një ngarkese të caktuar tarifore për përdoruesit.

Mjafton t’i hedhim një sy pasqyrës së tarifave në rajon për të parë se këtu nuk ka asgjë të veçantë, logjika është shumë e thjeshtë, rruga dhe përdoruesit. Tarifat variojnë, pasi varet nga numri i përdoruesve. Ai është një aks strategjik, ka një trafik intensiv në një pjesë të vogël të kohës. Mirëmbajtja bazohet mbi fluksin e përgjithshëm vjetor"

Edi Rama, kryeministër i vendit

Shefi i ekzekutivit shtoi gjithashtu se nga taksa në "Rrugën e Kombit" nuk do përjashtohen banorët e zonave të Kukësit. "Në gjithë diskutimet me ekspertizën ndërkombëtare., lidhur me banorët e zonës, dhe përgjigja që ka qenë ështgë që nuk ekziston në asnjë vend të planetit një teori që pëqrjashton banorët si kategori nga detyrimet, pasi ata janë përdoruesi", tha Rama, i cili sqaroi ndërkohë se do ketë disa kategori që do taksohen më pak për përdorimin e rrugës. 

Pjesë e debatit është bërë dhe kryetarja e LSI, Monika Kryemadhi, e cila e ka cilësuar taksën në Rrugën e Kombit një ‘vijë demarkacioni’ mes Shqipërisë dhe Kosovës. Kryemadhi ka shpërthyer me akuza ndaj kryeministrit Edi Rama. Nga foltorja e Kuvendit, ajo deklaroi se Rama nuk kursen asnjë, madje as familjarët e tij, kur vjen fjala për të ruajtur pushtetin e tij. Më tej, kryetarja e LSI paralajmëroi se një ditë Rama do të japë llogari dhe do të mbajë përgjegjësi për gjithçka ka bërë.

"Rruga e Kombit që pas shekujsh luftërash dhe konfliktesh lidhi vëllezërit e një gjaku, rrezikon të kthehet në “vijën e demarkacionit” të ri mes Shqipërisë dhe Kosovës. Për çfarë integrimi europian flasim, kur veriu i Shqipërisë përveç varfërisë ekstreme tashmë duhet të paguajë dhe taksën e izolimit? Rama s’ka vesh për të dëgjuar, por të paktën të vendosë syze për të parë varfërinë. Rama nuk ka kursyer askënd prej njerëzve të tij, madje ata që e njohin e dinë që ai nuk ka kursyer as familjarët kur ka qenë fjala për karrigen. Një ditë ai do të përgjigjet për të gjitha, ndaj të mos mundohet të shmanget me tema të stisura. Rama varfëroi një pjesë të shqiptarëve, për të ruajtur pushtetin e tij nëpërmjet oligarkëve. Ka zhdukur shpresën për rininë shqiptar"

Monika Kryemadhi, kryetare e LSI

Rendit zhvillimet sipas orarit:

Të Fundit Të Parat

//Shqiptarja.com

TAG:
• edi rama
• kuvendi
• taksa per rrugen e kombit
• saimir tahiri
• seance plenare