Materializimi i sanksionit të paralajmëruar kundër Rusisë nga BE dhe SHBA, për largimin e disa bankave ruse nga sistemi ndërkombëtar i pagesave SËIFT, do të bllokonte menjëherë transaksionet e shtetit me botën jashtë, duke i goditur ekonominë pasi marrëdhëniet financiare me shtet e tjera do të stopoheshin.
“Të ndërpresësh mundësinë për disa banka dhe për shtetin rus të këtij komunikimi, sjell pasojë mos dërgimin, mos komunikimin, mos kryerjen e transaksioneve me këtë shtet nëse do të jetë kështu vendimmarrja apo edhe me numrin e kufizuar të këtyre bankave që do ju vendoset sanksioni për të mos përdorur sistemin SWIFT”thotë Najada Xhaxha.
Kryetarja e përdoruesve të sistemit SWIFT në Shqipëri, Najada Xhaxha sqaron në Report TV, se në rast të një vendimi të tillë do të izolonte pagesat e bankave, dhe do të kishte pasoja për Rusinë.
“Ato banka nuk do të munden të dërgojnë para jashtë tyre, të përdorin financat e tyre kudo në botë, dhe as t’ju hyj para në sistemet e tyre”, pohon Xhaxha.
Pra një biznesmen që do të blej në Rusi e ka të pamundur për ta bërë sepse nuk mund ta paguaj?
“Po. Transaksioni i tij për blerjen e një malli të caktuar në këto banka nuk do të ndodhte dot. Për shtetin konkretisht mendoj që do të ketë ndikim të menjëhershëm ose gradual”, pohon Xhaxha.
Një bllokim i tillë do të kishte ndikim edhe tek partnerët, të cilët nuk do kenë marrëdhënie tregtare me Rusinë.
“Fakti që nuk kryen dot transaksione të caktuara do të thotë shumë në pengesën e vazhdimësisë, por se çfarë efekti financiar, ekonomik do të ketë për vende të tjera të cilat bashkëpunojnë me Rusinë kjo do të jetë pjesë e analizës që do të bëjë secili vend”, shprehet Najada Xhaxha.
Sa i takon sistemeve të tjera të ngjashme që mund të përdoren në rast se ky sanksion vendoset, Xhaxha thotë se çdo platformë tjetër është e kufizuar brenda për brenda shtetit.
“Ato janë sisteme vetëm të lokalizuara, dhe ndihmojnë shtetin për komunikim të brendshëm, por derën dhe dritaren me jashtë e ka të mbyllur”, tha Xhaxha.
SWIFT është një sistem ndërkombëtar me seli në Belgjikë i krijuar në 1974, që përdoret për të komunikuar në gjithë botën, dhe për të kryer transaksione.
“Është dritarja e vetme e komunikimit të shteteve në mbarë botën financiarisht. Nëpërmjet sistemit SWIFT lëvizin paratë nga njëri shtet nga njëri shtet në tjetrin në bazë të kërkesave që kanë vendet apo zhvillimit të tyre financiar qeverisës, investues, transaksione të thjeshta tregtare, individuale. Të gjitha këto nëse kalojnë kufirin kombëtar në të gjithë botën realizohen nëpërmjet sistemit SWIFT”, sqaron Xhaxha.
Sot janë 200 shtete të regjistruara në SWIFT, dhe 11 mijë përdorues, që janë banka, shtete, jo banka, fintech, apo korporata të fuqishme në botë. Përdorues i këtij sistemi janë edhe bankat në vend, banka e Shqipërisë dhe Ministria e Financave.
Komente
Lajme të tjera
-
Meçollari: Rusia s’ka kapacitet të sulmojë, një vend të NATO-s, por nëse merr Ukrainë fiton avantazh
2 Prill, 19:28 -
Erdogan: Turqia, e gatshme të organizojë samitin për paqe mes Moskës dhe Kievit
8 Mars, 21:35 -
Raketa ruse mesazh për Mitsotakis? Publikohen detaje nga vizita e kryeministrit grek në Ukrainë
7 Mars, 15:26 -
Mundësia për të dërguar trupa ushtarake në Ukrainë, Macron-vendeve të NATO-s: Nuk është koha për t’u treguar frikacakë
5 Mars, 20:20 -
Zelensky javën e ardhshme në Tiranë, çelet ekspozita 'Ukraina, një krim lufte', Rama: Në samit liderët nga Evropa Juglindore
22 Shkurt, 19:56 -
Raporti britanik: Rusia po rindërton kapacitete për destabilizuar Evropën! Përmendet edhe Kosova
20 Shkurt, 16:32 -
Lufta në Ukrainë/ Kina: Ne nuk i shesim armë vdekjeprurëse Moskës! Media: Luftëtarët e parë amerikanë F-16 në Kiev në qershor
18 Shkurt, 08:42 -
Paralajmërimi i fortë i Joe Biden: Nëse ne nuk ndalojmë Rusinë, lufta zhvendoset në vendet e Ballkanit
21 Janar, 18:19 -
Thuajse 2 vite nga pushtimi rus, Kievi gati të rihapë aeroportin ndërkombëtar
2 Dhjetor 2023, 18:13 -
Lufta/Zelensky në Asamblenë e Përgjithshme të Kombeve të Bashkuara: Rusia kërcënon botën me armë bërthamore
19 Shtator 2023, 09:43 -
Rusia sulmon portet ukrainase në Danub
3 Shtator 2023, 22:51 -
Lufta/ Moska: Shkatërruam 3 dronë duke u përpjekur të godasin urën e Krimesë! Zelensky: Ne po përparojmë
2 Shtator 2023, 07:34
Shyqyr qe nuk eshte Sala se do ja hapte ndonje “dritare” dhe do thonte “per te ndihmuar Ukrainen” , keni parasysh si Embargo e naftes per Serbin ;)
Përgjigju