Ilir Lena, 53 vjeç, nga Divjaka humbi jetën dje pasi u dëmtua aksidentalisht nga një makineri. Lena është përcjellë sot për në banesën e fundit, ndërsa deputeti socialist Erion Braçe që e ka pasur mik, shkruan në rrjetet sociale se Lena ishte një punëtor i jashtëzakonshëm.
“Divjaka po përsjell tani Ilir Lenën! Nje djale, nje vella, nje baba, nje mik, nje shok, U ndal dje, ne nje fatkeqesi qe ne pak sekonda i mori jeten; Ne pune; Nuk di sa here ne 10 vite e kam takuar aty-ne punen e tij, nuk mungonte kurre, ishte gjithnje, ne pune, tek Ristani; punetor i jashtezakonshem, nje Divjake e tere e njohu te tille.
Ngushellime pafund FAMILJES, miqve e shokeve, punetoreve si ai, Familjes tjeter te tij-Ristanit e punetoreve po aty qe jane per njeri tjetrin shume me teper se sa punetore! Të qoftë i lehtë në Gjok dheu i Divjakës Ilir, ai dhe që e punove gjithë jetën si bujk dhe tani të pranon si bir! Zoti ndricofte per ty!”, shkruan Braçe.
![]()
Ilir Lena, kishte shkuar normalisht në punë ashtu siç kishte bërë çdo ditë, por pa e ditur se të enjten e 25 janarit do të ishte e fundit për të. Pikërisht në vendin që kishte punuar prej 20 vitesh si grumbullues perimesh në Divjakë, u përplas nga një mjet i rëndë “Piru”, i cili fillimisht e la të plagosur e më pas rrugës për spital ndërroi jetë. Lena ishte punonjës i kompanisë, Agro F&R Janko, për paketimin e produkteve ushqimore.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)