Përmbyset kamioni në Kuçovë, shpëtohet pas 4 orësh përpjekje shoferi, kishte mbetur i bllokuar në mjet

KUÇOVË- Një aksident është regjistruar mbrëmjen e djeshme në aksin rrugor Kozare-Belsh, në Kuçovë. Drejtuesi i një kamioni ka humbur kontrollin dhe ka dalë nga rruga duke përfunduar përmbysur në një kanal.

Si pasojë e aksidentit, drejtuesi i mjetit ka mbetur i bllokuar brenda në kabinë. Pas 4 orësh drejtuesi i kamionit është nxjerrë dhe është shoqruar drejt spitalit Rajonal të Beratit. Aksidenti ka ndodhur në orën 20:00 ndërkohë që shoferi është nxjerrë rreth orës 23:50. Burime bëjnë me dije se drejtuesi i mjetit i identifikuar si Alit Pirja, ka pësuar dëmtime në trup por është jashtë rreziku për jetën dhe në gjendje për të komunikuar.

Mësohet se policia dhe zjarrëfiksja kishin mbërritur në vendngjarje dhe po punonin për të bërë të mundur nxjerrjen e shoferit. Të njëjtat burime konfirmuan se kamioni po pritej në pjesën e sipërme të karrocerisë për të mundësuar nxjerrjen e të dëmtuarit nga mjeti.

Grupi hetimor është duke punuar për zbardhjen e rrethanave të aksidentit.

 

SI.E./K.T./Shqiptarja.com
  • Sondazhi i ditës:

    A jeni dakord me rekomandimin e Komitetit të Imunizimit për dozë të tretë vaksine për mbi 60 vjeçarët?

Komento


×

Lajmi i fundit

John

57 sportistë të evakuuar nga Afganistani, presidenti i FIFA-s falenderon kryeministrin Edi Rama