Tre pacientë me dializë u transportuan sot me autoambulancë nga fshatrat Dajç, Pentar dhe Velipojë me ndihmën e ushtrisë dhe aktualisht po marrin shërbimin e dializës në spitalin e Shkodrës.
Të gjitha strukturat shëndetësore pranë zonave të përmbytura janë në gatishmëri të plotë.
Më herët, 3 pacientë me probleme kardiake dhe bronkopneumoni u asistuan nga mjeku i qendrës shëndetësore Dajç, Besnik Haxhia, dhe më pas kanë marrë shërbim të specializuar në spitalin e Shkodrës.
Po monitorohen rregullisht nga ekipi i mjekëve edhe 70 të evakuuarit që janë vendosur në Konviktin e Shkollës Industriale.
Në masat e marra nga strukturat e shëndetësisë është vendosur shërbim 24 orë në qendrat shëndetësore Dajç dhe Bërdicë. Ndërkohë 2 autoambulanca janë vendosur në gatishmëri 24 orë në kryqëzimin e Dajcit dhe në Malin Kolaj, ku janë edhe pikat e ushtrisë.
Nga ana tjetër, strukturat e shëndetit publik po kryejnë monitorimin e situatës së ujit të pijshëm në të gjithë zonat e përmbytura.
Lajme të tjera
-
Përmbytjet në Shkodër, ministria e Arsimit: Do të vijojë pezullimi i mësimit në këto 14 shkolla
21 Nëntor 2022, 19:18 -
Duka mbi përmbytjet në Shkodër: Duhet shpërngulja e banorëve nga zonat nën nivelin e detit! Situata në PD? Grupimi i Alibeajt të mos prishë punë nëse nuk kontribuon
21 Nëntor 2022, 18:43 -
Spiropali në mbledhjen e Shtabit të Emergjencës në Shkodër: Kryetari i bashkisë duhet të ishte i pranishëm, nuk është momenti për politikën e ditës
21 Nëntor 2022, 16:22 -
5370 hektarë tokë nën ‘pushtetin’ e ujit në Shkodër, dhjetra banesa të përmbytura
13 Shkurt 2021, 11:51
