Bujqësia vijon të humbasë peshë në ekonominë shqiptare, ndërsa goditja e fundit duket se i është dhënë nga përmbytjet e këtij fillim viti. Shifrat e INSTAT tregojnë se nga janari deri në prill janë eksportuar 5 mijë tonë më pak zarzavate apo fruta çka tregon ulje të prodhimit. Krahasuar me vitin 2025 eksportet bujqësore si në vlerë ashtu edhe në sasi kanë pësuar rënie.
***
Prodhimi bujqësor ra në katërmujorin e parë të këtij viti, duke u reflektuar menjëherë edhe tek tregtia jashtë vendit.
Eksportet e zarzavateve dhe frutave kanë shënuar rënie me mbi 5 mijë tonë, gjatë periudhës janar-prill 2026, krahasuar me të njëjtën periudhë të një viti më parë.
Në këtë katërmujor u shitën në total 56 mijë tonë zarzavate nga 60 mijë tonë në vitin e kaluar, ndërsa e përkthyer në vlerë këtë vit prodhimet bujqësore të fermerëve kushtuan 51 milionë euro, nga 52 milionë euro në janar-prill 2025.
Shkak kryesor në këtë rënie të eksporteve janë edhe përmbytjet e dimrit. Mijëra hektarë sera në Fier, Kurbin, Berat, Lezhë, Shkodër etj, u përmbytën në dy muajit e parë të këtij viti, duke bërë që të mbjellat e fermerëve të shkatërroheshin.
Pasojat janë të dukshme, afro 4 mijë tonë zarzavate (spinaq, sallata, karota, lakra, lule-lakër, qepë, brokoli apo edhe qepë, patate e domate që janë të serave) më pak të eksportuara, ndërsa fermerët deri më tani nuk kanë marrë asnjë dëmshpërblim edhe pse brenda pak muajsh u përmbytën 2 herë masivisht, duke iu dëmtuar jo vetëm të mbjellat por edhe strukturat e serave.
E po kështu edhe tek ato pak fruta që kultivohen në këtë stinë në Shqipëri. 1463 tonë fruta më pak janë eksportuar këtë katërmujor në raport me vjet, pasi prodhimi i luleshtrydheve ra po për shkak të përmbytjeve që dëmtuan serat.
Në total në këtë periudhë të parë të vitit u shitën jashtë vendit 5,122 tonë fruta nga 6,585 tonë vjet. Kurse në vlerë eksportet e frutave ishin 68 milionë euro me rënie prej 1.6 milionë euro krahasuar me të njëjtën periudhë të 2025-ës.
Bujqësia shqiptare prej vitesh është në rënie dhe me kontribut negativ në rritjen ekonomike, dhe për këtë faktorët janë të shumtë, nga financimi i pamjaftueshëm, skema e TVSH-së që favorizon importin, emigrimi i popullsisë nga zonat bujqësore e deri tek puna e fokusuar në makineri të vjetra.
Komente
Lajme të tjera
-
Projektligji, të huajt mund të blejnë tokë bujqësore në Shqipëri 7 vite pasi të anëtarësohemi në BE
14 Maj, 13:18 -
Përmbytje në Turqi, stuhitë nxjerrin nga shtrati lumenjtë në Samsun! 12 të lënduar, qindra shtëpi e biznese nën ujë
13 Maj, 19:43 -
Divjaka del në tregje me pataten dhe qepën e hershme, fermerët: Na ‘mbyti’ informaliteti dhe plehrat e skaduara
13 Maj, 16:44
-
Shtrenjtimi i çmimit të naftës lë tokat djerrë në Bulqizë! Braktiset traktori, bujqit punojnë tokën me kuaj e parmendë
6 Maj, 17:17
-
Grumbullues e agropërpunues nuk lëshojnë fatura për fermerët, Tatimet nisin kontrollet: Ndëshkim kush shkel ligjin!
3 Maj, 15:46
-
Ministri Salla nga Dibra: Zgjerim i mbështetjes për bujqësinë dhe shtrirje kombëtare e modelit të bashkëpunimit me fermerët
25 Prill, 15:17 -
Rama me fermerët në Dibër: ‘Kooperativa e re’, prodhoni më vete, por shisni bashkë! Nuk shesim dot me çanta rrugëve të Brukselit
25 Prill, 10:50
-
Interpelanca/ Ismaili: Në Berat 135 mln € dëm nga përmbytjet! Salla: Kompensimi i fermerëve s’është përgjegjësi e Ministrisë, brenda 2026 paraqesim projektligjin për sigurimet në bujqësi
23 Prill, 15:35 -
Nën akuzë për mashtrim miliona euro me fondet e bujqësisë së BE, Parlameti grek voton pro heqjes së imunitetit të 13 deputetëve
22 Prill, 17:27 -
Përmbytjet nga reshjet e shiut në Lezhë, kryebashkiaku Ndreu: Kjo situatë po shkon drejt zgjidhjes përfundimtare, po punohet për sistemimin e ujërave të zeza e të bardha
21 Prill, 20:07 -
Përmbytjet dhe rreziku nga zjarret, mblidhet Komisioni i Mbrojtjes në Vlorë, Çako: Secili nga ne duhet të bëjë detyrën që i takon
21 Prill, 13:38
-
Rama: Banka Shqiptare e Zhvillimit nis veprimtarinë e saj shumë shpejt, do na japë mundësinë që të mbështesim iniciativa në bujqësi dhe sektorë të tjerë
20 Prill, 19:24
