Përmbytjet shkaktojnë tragjedi në Itali, 3 të vdekur dhe dy të zhdukur

Foto ilustruese

Moti i keq ka shkaktuar të paktën tre viktima në zonën e Nuorese-s në ishullin Sardegna të Italisë. Krahas të vdekurve, mediat italiane raportojnë edhe për dy të zhdukur, ndërsa uji i furishëm ka pushtuar të gjithë zonën duke shkaktuar edhe dëme të mëdha materiale.

“Ka disa orë që bie shi i rrëmbyeshëm. Ne rekomandojmë kujdesin maksimal për të shmangur lëvizjet e panevojshme dhe në veçanti për të shmangur kalimin në zonat ku ekziston një rrezik i lartë i rënies së gurëve, pemëve ose rrëshqitjeve të tokës. Ne do ta vëmë nën kontroll situatën sa më shpejt të jetë e mundur. Ndërkohë që u bëjmë thirrje të gjithëve për vëmendje dhe maturi maksimale ”, shkroi kryetari i bashkisë së Bitti Giuseppe Ciccolini në Facebook.

Shkollat ​​e Cagliarit, parqet, objektet sportive dhe bibliotekat janë të mbyllura. Raportohet gjithashtu edhe për dëme në infrastrukturë siç është prishja e urave apo rrugëve. Rrugët shtetërore dhe provinciale të mbyllura dhe për momentin është e pamundur të lëvizësh.

S.M./Shqiptarja.com
  • Sondazhi i ditës:

    LSI prezanton programin elektoral të njëjtë me atë të vitit 2009 kur erdhi në pushtet. Ju krijon besim realizimi i tij?

Komento


×

Lajmi i fundit

John

Momentumi i Albin Kurtit