Përmbytjet, shoferi: Që prej mëngjesit është bllokuar aksi Lezhë-Milot, makinat deri në timon të mbuluara me ujë! Banori: Nuk janë hapur kanalet

 

Banorët dhe drejtuesit e mjeteve kanë folur për situatën kritike në Lezhë që është përmbytur nga reshjet e shiut duke mbuluar makinat me ujë në aksin Lezhë-Milot ku ka shumë lëvizje.

“Përveç gazetarëve nuk ka ardhur asnjë njeri, as kryeplaku, as administratori, as kryetari i bashkisë, as policia. Këtu duhet të ishin hapur kanalet. Janë mjetet kanë një javë në kokë të kanalit dhe nuk është hapur asnjëri. Po nuk u hap gryka e kanalit, vetëm mjete private kanë ardhur duke punuar. Janë bllokuar disa mjete. Ka të paktën 10 vite që nuk janë hapur kanalet”, tha një banor.

LEXO EDHE:
Lezhë, autor i katër vjedhjeve në banesa, arrestohet 47-vjeçari (EMRI)

“Është bllokuar aksi komplet. Nga Laçi në Lezhë ka shumë lëvizje kjo rrugë. Ka që në mëngjes që është bllokuar dhe nuk ka ardhur askush. Janë 20 kamiona që janë bllokuar. 10 makina kemi nxjerrë, 1 tjetër është deri në timon e mbuluar me ujë. Kjo situatë përsëritet shumë shpesh. I kemi telefonuar dhe s’ka ardhur askush”, tha një drejtues mjeti.

Lajmi kryesor:

Lezha nën pushtetin e ujit, përmbyten disa shtëpi! Mbi 1000 ha tokë e përmbytur në Shkodër! Pas 12 orësh ankorohet trageti Vlorë-Brindisi! Pezullohet mësimi në 56 shkolla

A.M.//Shqiptarja.com

TAG:
• Lezhe