POP 5

Lajmet më të lexuara të 5 minutave të fundit

Përmirësim të kornizës ligjore dhe aftësive, OSBE ndihmon Shqipërinë në luftën kundër armëve të zjarrit! Për një vit u kryen 60 vrasje

Mbi 300 mijë shqiptarë vazhdojnë të mbajnë një armë zjarri në shtëpi ose me vete, pavarësisht thirrjeve të herë pas hershme për dorëzim vullnetarë. OSBE në Tiranë shpalli sot një plan tre vjeçar për uljen e rrezikut të përhapjes së armëve të vogla si dhe ndihmë policisë në këtë drejtim.

60 vrasje me armë zjarri u regjistruan vitin e kaluar dhe rreth 300 mijë shqiptarë mendohet se posedojnë një armë pa leje në shtëpi. Më gjithë aksionet apo operacionet e policisë për grumbullimin e armëve të zjarrit, rezultatet janë të pakta. Ekspertët besojnë se mungesa e një amnistie për dorëzimin e armëve step ata që kanë vullnetin për ta dorëzuar.

Por për zv/ministrin e Brendshëm, Besfort Lamallari, para nisjes së një amnistie, duhet ndërgjegjësim dhe angazhim aktorësh.

“Përpara se të shkojmë në marrjen e një nisme të tillë duhet të angazhohen të gjithë aktorët e shoqërisë.. Janë të rinjtë, sistemi arsimor, janë aktorët që ndërgjegjësohen , pa qenë nevoja për përdorimin e armëve”, tha Besfort Lamallari, Zv.ministër i Brendshëm.

Në të njëjtën linjë qëndron edhe Policia e Shtetit, e cila fokusin kryesor e ka përqendruar tek ndërgjegjësimi për mos përdorimin e armëve të zjarrit.

“Janë zhvilluar aktivitete ndërgjegjësuese në shkolla. Kemi krijuar një strukturë më ndihmës specialit për policimin në komunitet të trajnuar”, tha Albert Dervishaj, zv.drejtor i Përgjithshëm i Policisë së Shtetit.

Në tryezën e përbashkët, OSBE u angazhua që përmes një projekti tre vjeçar, të ulë rrezikun e përhapjes së armëve të vogla e të lehta dhe keqpërdorimit të tyre..

“Së pari, ka të bëjë me ndihmën për përmirësimin e kornizës ligjore; së dyti me fokusimin tek aftësitë, njohuritë dhe kapacitetet e njësive të përgatitjes së qenve në Shqipëri”, u shpreh Vincenzo Del Monaco, Kreu i OSBE në Tiranë.

Amnistia e fundit ishte 4-mujore në vitin 2017. Përgjatë vitit 2021 në Komisionin e Sigurisë Kombëtare u hodh ideja e një amnistie të re, por gjithçka mbeti vetëm në kuadër diskutimi. Sipas statistikave në vitin 1997 janë grabitur 549 mijë e 775 armë, rreth 840 milionë dhe 16 milionë eksplozivë.

SI.E./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Dëshmia e rrallë e ish-oficerit, që natën e 18 dhjetorit 1981, u mor nga Ministria dhe u caktua te vila e Mehmet Shehut

Dëshmia e rrallë e ish-oficerit, që natën e 18 dhjetorit 1981, u mor nga Ministria dhe u caktua te vila e Mehmet Shehut

28 Dhjetor, 21:31 nga Dashnor Kaloçi