Përpara se ta Google-oni: Çfarë është lil Solid 2.0?

Kategoria e produkteve me ngrohje është relativisht e re jo vetëm në Shqipëri, por në të gjithë botën. Kështu që këto ditë, nëse keni hasur lil Solid 2.0, mund të keni vrarë mendjen përse shërben pajisja e vogël teknologjike.

Lil Solid, është emri i ri që i shtohet kategorisë së produkteve me ngrohje në Shqipëri. Në vija të trasha, produktet me ngrohje janë pajisje të cilat nuk e djegin, por e ngrohin fijen e duhanit, duke shmangur çlirimin e mijëra kimikateve të cilat gjenerohen nga djegia dhe për rrjedhojë, duke reduktuar ekspozimin ndaj tyre deri në 95%. Me gjasë, ju njihni produktin kryesor me ngrohje në Shqipëri dhe në botë, IQOS. Por lil Solid 2.0 premton të jetë një alternativë e vlefshme për të rriturit të cilët nuk munden, ose zgjedhin të mos lënë cigaren, që të kalojnë në një alternativë e cila redukton riskun.

Një alternativë e vogël në përmasa dhe peshë: vetëm 99 gramë, lil Solid ka një performancë mjaft solide pavarësisht përmasave “lil” (të vogla). Ofron 25 përdorime me një karikim, dhe 3 përdorime të njëpasnjëshme, secila 5 minuta.

lil Solid, prezantuar nga IQOS, ka të njëjtën teknologji si IQOS, pra ngroh- nuk djeg- vetëm se ndryshon mënyra sesi e bën këtë, pasi pajisja e vogël ngroh përmes një gjilpëre, e cila ngulet mes fijes së duhanit. Lil-i është gjithashtu një produkt më ekonomik.

Lil Solid është një prodhim i KT & G, një kompani koreane shumë e njohur edhe në kategorinë e produkteve pa tym. Vitin e kaluar, KT & G nënshkroi një marrëveshje duke i dhënë prodhuesit të IQOS, Philip Morris International, të drejtën për ta shpërndarë produktin në Azinë Qëndrore dhe në Europën Lindore.

SI.E./Shqiptarja.com

TAG:
• Duhani
• Lil solid