POP 5

Lajmet më të lexuara të 5 minutave të fundit

Kronikë

Përplasi nënë e bir në trotuar, arrestohet shoferja! 6-vjeçari në gjendje të rëndë te spitali i Traumës, gjyshi i tmerruar: Na telefonuan njerëz nga rruga

6 vjeçari që u përplas me makinë bashkë me nënën e tij në trotuarin e rrugës “Don Bosko”, është në gjendje të rëndë, kurse drejtuesja e mjetit është arrestuar nga policia.

55-vjeçarja që aksidentoi në trotuar një të mitur 6-vjeçar dhe nënën e tij, është arrestuar.

Nënë e bir po prisnin në afërsi të një fast food-i në fillim të rrugës “Don Bosko”, kur  “Opel Corsa” u ngjit mbi trotuar dhe i përplasi. Me arrestimin e gruas pritet dhe ekspertiza, e cila do të saktësojë momentin që ka përplasur nënë e bir.

Burime nga Policia Rrugore thanë se drejtuesja e “Opel Corsa” kishte rreth dy-tre vite që i jepte makinës. Report TV ka siguruar videon e momenteve të përplasjes, por për shkak të pamjeve shumë të rënda, ka vendosur të mos e publikoj. Ndërkohë, në Spitalin e Traumës, gjendja shëndetësore e 6-vjeçarit është e rëndë, i cili është në terapi intensive.

I mituri ka politraumë, çfarë do të thotë se ka të dëmtuar organet e brendshme të trupit. Shumë qytetarë shkuan në spital për dhurimin e gjakut, duke iu përgjigjur pozitivisht kërkesës së familjarëve. E plagosur në spital është edhe e nëna e 6-vjeçarit, me gjendje të stabilizuar, por me dy këmbë të thyera. Lajmi i aksidentit i shokoi familjarët. Gjyshi i 6-vjeçarit tregon për Report TV telefonatën kur e njoftuan për nipin dhe nusen

“Si e mora lajmin? Jam tmerruar, ma dhanë më telefon njerëzit në rrugë. Shumë sëmurë është. Nuk e kam parë djalin, është në reanimacion, të tregoj doktori se si është gjendja. Akoma nuk kemi folur me mjekët, po presim të na flasin për gjendjen.” – shprehet gjyshi i 6-vjeçarit për Report TV.

Aksidentet me pasoja fatale brenda Tiranës janë kthyer në një problem shqetësues për autoritetet dhe qytetarët. Vitet e fundit janë regjistruar disa përplasje me viktima të cilët lëviznin në trotuarë apo në viza të bardha.

tirane.jpg" style="height:408px; width:780px" />

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tirona: 23/03/2021 18:15

    Nuk ka mundesi te behet ky aksident nese i ke syte perpara dhe te dy duart tek timoni. Drejtuesja e automjetit 100 % ka qene duke pa FB apo duke bo Selfie per ta hedh ne instagram. 20 vite burg i ka pak qe te zene mend te tjeret. Te vendoset ligji kush kapet duke folur ne telefon gjate drejtimit te automjetit 5 vjet heqje patente, duhen mare keto masa se shumica e aksidenteve behen ngaqe perdoret telefoni si dhe keto masa duhen mare qe te ulet qarkullimi i makinave se kemi nje trafik te renduar.

    Përgjigju
  • LORA: 23/03/2021 17:53

    Per mua eshte vrasje e paster, jo aksident. Nena me djalin e saj ishte krejt normal,ne trotuar

    Përgjigju
    • Roy: 23/03/2021 19:48

      Shqiperi hesapi, ve bast qe ajo zonja nuk do kete patur patent fare dhe ka qen duke shkruajtur sms kur ka bere akdidentin. Burgu vetem ai i rregullon gjerat aty.

  • tirona: 23/03/2021 16:05

    Cfar ekspertize duhet kur makina aksidenton femijet ne trotuar nga shofere te pa afte qe nuk dine te respektojn rregullat e qarkullimit

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

26 Janar, 08:14 nga Blerina Goce