'Nga mike në armike', Efi lexon mesazhet nga fansat kundër Kiarës: Je panterë e zezë, të gjithë të kanë frikë! Do vërtetohet kush është e drejta

Në rubrikën ‘Big Love’ ku banorët e Big Brother marrin mesazhe nga fansat, Efi ka lexuar disa prej tyre që duket sikur e mbështesin fort dhe përpiqen t’i japin sinjale se Kiara po gabon. Teksa Efi lexonte mesazhet, Luizi dhe Kiara buzëqeshnin dhe nuk bënin komente.

Njëri prej fansave i thoshte se ishte mike e rrallë dhe e cilësoi si panterë të zezë që e kanë frikë të gjithë.

“Një mike si ty është një në 1 milion, ka zot dhe Zoti do e vërtetojë kush është e drejta. Je fytyrëbardhë dhe plot sinqeritet. Të dua, je fituese. Je panterezë e zezë nga e cila kanë frikë të gjtihë. Mbaje kokën lart, goc bishë”, ishte mesazhi që lexoi Efi.

LEXO EDHE:
Luiz Ejlli përfundon në spital, çfarë ka ndodhur me këngëtarin: Jam në duar të sigurta (VIDEO)

“Të lumtë goja, do vijë momenti por kam frikë se do të jetë shumë vonë”, tha Efi.

Mesazhet e tjera që mori

“Gocë garipe, na kënaqe.”

“Me ty e dimë që s’do na zhgënjesh.”

“Lufto e fortë si një luaneshë që je. Të duam.”

“Duket qartë që ti zemrën e ke flori dhe kjo është më e rëndësishme se bukuria fizike, inteligjenca apo aftësia në lojë.”

“Nuk të ndal dot njeri, të duam fituese.”

Çfarë e shkaktoi debatin mes 2 mikeshave

Rikthimi në shtëpi i Kiara Titos dhe Efi Dhedhes duket se ka shërbyer për krisjen e marrëdhënies mes tyre. Kiara e akuzon se Efi e ka përdorur imazhin e saj për famë, mirëpo një gjë e tillë për ish konkurrenten e ‘Për’Puthen’, nuk është aspak e vërtetë. Diskutimi mes tyre nisi prej një momenti mes Kiarës dhe Luizit që komentoi Efi kur ndodhej jashtë shtëpisë. Luizi e bllokoi në lavaman dhe Kiara nuk mund të lëvizte se nuk duhet të kishte kontakt fizik me djemtë për shkak të një loje të Big Brother. Teksa ky veprim mori përmasa të gjera dhe reagime të mëdha, Efi zgjodhi që ta bënte publik mendimin e saj që nuk i ka pëlqyer Kiarës.

“E vendosa veten në vendin e Kiarës. Nëse partneri im do më vendoste në atë lloj situate unë do të reagoja drejtpërsëdrejti tek ai. 1 fjalë i duhej Kiarës për tu mbyllur ajo situatë, thjesht t’i fliste Luizit dhe t’i thoshte largohu. Ajo nuk donte ta bënte këtë gjë që do të thotë e kishte akoma mendjen tek loja. Nëse ti e ke mendjen tek loja do të thotë që ndjesitë e tua, mërzitja jote, ankthi jot që supozohet ju shkaktua, atëherë do harrohej. Do harrohej loja. Pasi u prish loja, reagimi i saj i parë ishte nuk më le një herë të luaj dhe të fitoj. Nuk e kapi Luizin dhe t’i thoshte shiko ky veprimi që ti bëre më lëndoi. Edhe Luizi atë moment e mori si çështje loje dhe ajo thjesht po acarohet për lojën. Dhe kështu ndodhi. Për mua Kiara u acarua vetëm për faktin që nuk fitoi. I erdhi inat që humbi, këtë përjetoi ajo”, tha Efi.

TAG:
• luiz ejlli
• efi dhedhes
• kiara tito