POP 5

Lajmet më të lexuara të 5 minutave të fundit

Kronikë

Politikë

Përplasja me FNSH, në hetim Noka, Bardhi e 4 deputetë! Edhe Hoti për spërkatjen e deputetëve me lëng

7 deputetë dhe 6 protestues e përfaqësues të PD janë në hetim për kaosin në Kuvend. Bardhi, Noka, Sula, Nallbati, Baçi e Sorina Koti në hetim për përplasjen me FNSH. Elda Hoti për lëndën e lëngshme që hodhi në sallë. Kalaja, Balliu e 4 të tjerë në hetim për protestën para Kuvendit.

TIRANË- Gjashtë deputetë të Partisë Demokratike janë vënë në hetim një ditë pas përplasjes së ashpër me forcat e FNSH në oborrin e Kuvendit. Në hetim janë vënë sekretari i Përgjithshëm, Flamur Noka, kreu i grupit Gazment Bardhi, të cilët u përplasën fizikisht me efektivët, pas polemikave se përse ishin lejuar të futen në ambientet e Kuvendit, kur ende deputetët ishin aty.

Po ashtu, policia ka vënë në hetim edhe deputetin Dash Sula, i cili u pa ndërsa sulmonte policët dhe u hiqte atyre skafandrën. Po ashtu në listë janë edhe Sorina Kote dhe Luan Baçi. Ky i fundit, bashkë me Bledion Nallbatin, pretenduan se një efektiv i FNSH u nxori armën, por ministri i brendshëm tha se asnjë efektiv nuk ka qenë i armatosur.

Ndaj 6 ligjvënësve demokratë rëndon “Kundërshtimi i punonjësit të policisë së rendit publik".

Hetimet e bluve të Tiranës janë shtrirë edhe brenda Kuvendit pas skenarit të kaosit dhe procedimi ka nisur vetëm për deputeten demokrate Elda Hoti. Kjo e fundit shkaktoi mjaft debat në seancën e 17 tetorit pasi hodhi një lëndë të lëngshme në drejtim të kolegëve socialistë. Hoti po hetohet për dy vepra penale "Kanosja" dhe "Shkelja e rregullave mbi lëndët helmuese".

Policia thotë se Hoti ka hedhur një lëndë të lëngshme të paidentifikuar, ndërkohë që ka nisur verifikimi. 4 shishe të vogla janë sekuestruar në sallën e kuvendit, të cilat do të ekzaminohen për të përcaktuar qartë se çfarë ishte lënda e hedhur, parfum siç pretendoi deputetja e PD, apo lëndë djegëse siç aludoi PS.

Ndërkohë, për përplasjet jashtë Kuvendit, ku protestuesit nga bashkia e Tiranës u zhvendosën para parlamentit janë vënë 6 të tjerë në hetim. Klodijan Bajrami, Klevis Balliu, Ilir Tusha, Astrit Hysa dhe Sokol Ndoja. Ndaj tyre rëndojnë veprat penale "Kundërshtimi i punonjësit të Policisë së Rendit Publik", dhe "Organizimi dhe pjesëmarrja në grumbullime e manifestime të paligjshme", pasi nga protesta te Bashkia iu bashkuan deputetëve të PD në Kuvend, duke u përplasur me forcat policore. 

Ndërkohë, në hetim për 3 vepra penale është edhe Adriana Kalaja, për "Prishja e rendit dhe qetësisë publike", "Ndotja e ajrit, e ujërave dhe e tokës" dhe "Organizimi dhe pjesëmarrja në grumbullime e manifestime të paligjshme". Kjo e fundit jo vetëm që mori pjesë në protestën pa leje para Kuvendit, por është hetuar edhe për djegien e gomave para Bashkisë së Tiranës. 

Në hetim për përplasjen me FNSH në oborrin e Kuvendit
1-Flamur Noka
2-Gazment Bardhi
3-Dash Sula
4-Sorina Koti
5-Luan Baçi
6-Bledion Nallbati
Në hetim për kaosin brenda sallës së Kuvendit
Elda Hoti
Në hetim për përplasjet me policinë jashtë ambientit të Kuvendit
1-Adriana Kalaja
2-Klodijan Bajrami
3-Klevis Balliu
4-Ilir Tusha
5-Astrit Hysa
6-Sokol Ndoja

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    E kujt është përgjegjësia për kaosin në Kuvend?

Lajme të tjera



×

Lajmi i fundit

Rriten me 10% të ardhurat, Ministria e Financave: Në 9 muaj janë arkëtuar rreth 516 milionë euro më shumë se vjet

Rriten me 10% të ardhurat, Ministria e Financave: Në 9 muaj janë arkëtuar rreth 516 milionë euro më shumë se vjet

18 Tetor, 14:13