TIRANË- Një lëndë e lëngshme e hedhur nga deputetja demokrate në sallën e Kuvendit nxiti debate mes opozitës dhe mazhorancës. Duke vijuar me skenarin e kaosit, Hoti u kap nga kamerat në sallë teksa hodhi një material të lëngshëm, për të cilin pretendon se ishte aromatizues.
Dy javë më parë, Elda Hoti u fit në Kuvend me benzinë në çantë, përmes së cilës deputetët e opozitës dogjën karriget. E nisur nga ky skenar i mëparshëm, mazhoranca hodhi sërish dyshime se edhe kësaj radhe Hoti mund të kishte pasur me vete lëndë djegëse.
"Keni bërë një krim, keni ardhur në Kuvend me benzinë me vete. Mos cenoni deputetët. Ndihen të cenuar nga ju. Ka kallëzim penal. SPAK duhet të merret me ju, jo kjo sallë. Dilni jashtë jeni e përjashtuar nga seanca. Keni rrezikuar jetën e deputetëve", tha kryetarja e Kuvendit, Elisa Spiropali.
Por vetë deputetja demokrate tha për mediat se ishte thjesht një armomatizues dhe jo një lëndë që mund t’iu rrezikonte jetën deputetëve.
"Ajo çfarë hodha në parlament, nuk ishte asgjë që mund t’i rrezikohej jeta deputeteve, ishte një aromatizues. Ta verifikojë prokuroria dhe SPAK, ku do të na dërgoi. Se bëri edhe kërcënim. Unë si trembem SPAK e askujt, se kemi një mision", tha Hoti për mediat.
Të gjitha deputetet që nuk ishin të përjashtuara, iu nënshtruan kontrollit të çantave nga Grada, por duket se Hoti u shpëtoi.
Nga ana tjetër, ministri i Brendshëm, Ervin Hoxha tha në Kuvend se kjo ishte një tentativë për zjarrëvënie dhe tha se do të bëjnë kallëzim penal në prokurori.
“Të nderuar deputetë. Garda e Republikës është duke kryer detyrën e vet. Këtu nuk bëhet fjala për deputetë e përjashtuar. Një pjesë e juaja nuk po i përmbahet rregullave dhe regjimit të kontrollit të brendshëm, bëhet fjalë për zjarrëvnie të qëllimshme. Të gjitha provat do të fiksohen dhe do të bëjmë kallëzim penal drejtuar Prokurorisë", tha Hoxha.
Madje, kryeparlamentarja Elisa Spiropali dha edhe 10 minuta pushim gjatë seancës, duke thënë se duhej verifikuar lënda që hodhi Hoti pasi vinte era benzinë.
Ndërkohë, burime për Shqiptarja.com bëjnë me dije se Policia ka sekuestruar 4 shishe të vogla në sallën e Kuvendit. Pritet që lënda të ekzaminohet për të përcaktuar nëse ishte një aromatizues siç e thotë deputetja e PD, apo lëndë djegëse siç pretendoi PS.
Deputetja e PD Elda Hoti, hodhi sot në Kuvend një material të lëngshëm drejt deputetëve.
Ndërkohë, ministrat e PS kanë marr shishen dhe i kanë erë nëse është parfum apo benzinë.
Policia shkencore hyri në mjediset e Kuvendit për të marrë mostrat e lëndës që hodhi Hoti.
Foto: Elda Hoti
Pasi Elda Hoti hodhi një material të lëngshëm drejt deputetëve, Policia shkencore ka hyrë në mjedisët e Kuvendit për të marrë mostrat e lëndës që hodhi Hoti.
Ndërkohë deputetja pretendon se lënda ishte një aromatizues.
Pas marrjes së mostrave do të zbulohet nëse qëndron apo jo pretendimi i Hotit.
Lajme të tjera
-
Ironia e Spahiut: Elisa Spiropali e përmendi më shumë bashkimin kombëtar sesa Albin Kurti
21 Dhjetor, 16:30 -
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë
21 Dhjetor, 15:36 -
Takimi i dy Kuvendeve/ Spiropali: Mbështetje Kosovës për anëtarësimin në Këshillin e Europës dhe në NATO, i keni plotësuar kushtet!
20 Dhjetor, 12:09 -
Kuvendi/ PS kalon ligjin, anulohen gjobat për ndërtime pa leje, dhe të AKU në fshat! Rrëzohet amendamenti i PD-së, s'falen faturat e prapambetura të ujit e dritave
19 Dhjetor, 17:31 -
Ambasada e SHBA tha se nuk do punonte me persona 'non grata'/ Berisha: E shkroi Yuri Kim! Pëllumbesha Spirogjoka trembet nga 5 milionshi
19 Dhjetor, 13:05 -
Debate në Kuvend/ Shehaj akuzon Ballukun: Ka 6 muaj shmang interpelancën, 1,3 mld euro Thumanë-Kashar, skandal! S’ka lekë për pensione, por hedh valle në festat e PS
19 Dhjetor, 10:25 -
Përplasje në Kuvend, 'mollë sherri' Bashkim Ulaj dhe interpelanca me Ballukun! Shehaj bllokon 4 orë foltoren, Spiropali e përjashtoi, Noka e shtyn me forcë
19 Dhjetor, 08:07 -
'Braktisen punimet prej 12.5 milionë eurosh për rrugën e Lurës', Elda Hoti: Fondet po vidhen nga investitorët strategjikë
18 Dhjetor, 16:25 -
Spiropali pret anëtarët e Këshillit Koordinues të Diasporës: Diskutuam mbi mundësinë e votimit në zgjedhje! Mësimi i gjuhës shqipe nga fëmijët
18 Dhjetor, 12:40 -
Kryepolici Proda emëron 48 shefat e Komisariateve në 12 drejtoritë e qarqeve, asnjë grua! Lista me EMRAT dhe qytetet
18 Dhjetor, 08:51
-
'Rritje e pensioneve, nisur nga më të ultat', ministri Hoxha me ish-punonjës të policisë: Mbështetje për familjet e dëshmorëve
16 Dhjetor, 17:52 -
Sondazhi: Cili është personazhi i vitit me më shumë ndikim në zhvillimet e vendit
16 Dhjetor, 12:21
