Fantazia e Tedi Blushit: Në mbledhjen e Këshillit Bashkiak do bëhej atentat, Veliaj ishte veshur me antiplumb! Publikon foton e manipuluar me photoshop

TIRANË- Pasi u grushtua me këshilltarin e Partisë Socialiste Halit Valteri një ditë më parë në mbledhjen e Këshillit, Tedi Blushi doli sot në një deklaratë për mediat e tha se brenda në sallë ishte planifikuar të bëhej gjakderdhje. Teksa shfrenonte fantazinë krah kreut të PL-së Ilir Meta, Blushi tha se brenda në bashkinë e Tiranës ishte planifikuar të ndodhte një atentat, e shtoi madje se kryetari i bashkisë Erion Veliaj kishte veshur anti-plumb.

Zyra e shtypit të Partisë së Lirisë ka shpërndarë edhe një foto të Veliajt ku pretendon se kryebashkiaku ka veshur anti-plumb, ndërsa duket qartë se fotoja është manipuluar me photoshop, madje në mënyrë amatore dhe jo profesionale! Kjo pasi vihet re ndryshimi teksturës së prodhuar nga përdorimi i photoshopit, pasi forma e pretenduar e antiplumbit shkon deri te pjesën lart të shpinës.

'Në sallën e Këshillit Bashkiak ka patur një skenar mafioz për gjakderdhje. Incidenti i provokuar ka qenë i inskenuar. Sipas burimeve shumë të sigurta, jam informuar se Kryetari i Bashkisë ka qenë i veshur me antiplumb dhe kjo shpjegon edhe fakti pse ne temperature 40 grade, ne mes te korrikut, ai ka qenë i veshur me xhup. Brenda në sallë kanë qenë persona civile qe dyshohet se kane qene të armatosur. Këtu nisi edhe incidenti i djeshëm pasi kërkova nga Kryetarja e Këshillit të sqaronte kush ishin këta persona civile që ishin lejuar në mbledhje ndërkohë që aty nuk lejohet media dhe nuk lejohen të marrin pjesë as qytetare për te ngritur shqetësimet e tyre.’- tha Blushi.

LEXO EDHE:
Frrok Çupi: Kush do të vritej dje në Bashki?

Në krah të vetes, Blushi kishte edhe Metën, i cili edhe këtu gjen fajtor kreun e SPAK Altin Dumanin, për të cilin tha se nuk ka gjak shqiptari.

‘A trembet Tedi Blushi, sigurisht ata kanë trembur ca, ata e kanë të shkruar në ballë! Ti nuk arreston dot Erion Veliajn. Je një zar i këtij regjimi që do të mbahet mend si regjimi Dum Dumanëve e MC Gonigalëve. Je pjesë e dosjeve të MC Gongalit që është burg. Ti vagabond që thua e kam personale me Ilir Metën je një zar i Mc Gonigalve dhe Ramaviçve nise CEZ DIA në bazë të një denoncimin nga një i dënuar për dhunë në familje, punonjës si Gjiknurit. Më bënit presion që mos të ngrija zërin për prokurorët e kapur. E di shumë mirë se në atë dosje figuron dhe një prokuror i caktuar nga SHBA me kërkesë të Mc Gonigal për të hetuar një projekt për vrasje të një presidenti në detyrë vend aleat dhe anëtar i NATO-s.  Ti nuk ke guxim se nuk ke një gram gjak shqiptari. E goditën Blushin se duan të vrasin opozitarizmin edhe në këshillin bashkiak të Tiranës.’- tha Meta.

M.Q./K.T./Shqiptarja.com

TAG:
• erion veliaj
• Partia e Lirise
• tedi blushi