75-vjeçari Ceka, ndër arkeologët dhe politikanët më të njohur, prej kohësh kishte kaluar moshën e pensionit sipas ministrisë e cila kishte propozuar për zëvendësimin e tij Anila Bitrin, drejtoreshë e Akademisë Diplomatike MPJ. Mospëlqimin për figurën e Neritan Cekës si ambasador në Itali, ministria e konfirmoi dhe në korrik 2014 kur atij dhe 2 ambasadorëve të tjerë iu anulua ftesa për të marrë pjesë në konferencën e përvitshme me trupin tonë diplomatik. Neritan Ceka, ish-kryetar i PAD-së, ish Ministër i Rendit nën qeverisjen e PS e së fundmi ish-këshilltar në kabinetin Berisha, mori zyrtarisht detyrën e ambasadorit në 20 dhjetor 2012.
Atij i mbetej ende një vit mandat. Dhe 3 ambasadorë të tjerë kanë pasur fatin e Cekës ditën e djeshme, pasi kreu i shtetit ka dekretuar lirimin nga detyra të Genc Muçajt si ambasador të Turqisë, Kujtim Morinës në Kuvajt dhe Kujtim Xhanit në Kinë. Ndërsa janë emëruar si ambasadorë të rinj, ish-shefi i protokollit të shtetit Ermal Dredha si Ambasador në Emiratet e Bashkuara Arabe, Ermal Muça, në Kanada, Arian Spase në Hungari dhe Enkeleda Mërkuri në Republikën e Sllovakisë. Por nga ana tjetër, presidenti Nishani ka refuzuar të dekretojë Ravesa Lleshin si ambasadore në OSBE.
Pavarësisht se Komisioni i Jashtëm ka zhvilluar një seancë dëgjimore me dy kandidatët për ambasadorë në OSBE, Ravesa Lleshi e Ermal Muça në Kanada, vetëm Muça ëhstë dekretuar ditën e djeshme. Por sinjalet për mosdekretimin e Lleshit janë dhënë nga deputetët e PD që thanë se në OSBE duhet të ishte propozuar një diplomat karriere për shkak të raporteve të tensionuara me misionin pas refuzimit të drejtimit të komiteteve nga Shqipëria.
Por 4 muaj pas largimit nga detyra të ambasadorit Spiro Koçi në OSBE, kryeministri Edi Rama ka firmosur emërimin në këtë detyrë të Ravesa Lleshit, që në 2 vitet e fundit ka mbajtur detyrën e këshilltares në MPJ. Ndërkohë që sinjalet nga Presidenca për refuzimin e Lleshit kanë qenë të vazhdueshme. Mediat kanë raportuar kohë më parë se Nishani nuk do ta dekretojë kandidaten për ambasadore në OSBE Ravesa Lleshi, vajza e Ismail Lleshit, ishministër i Mbrojtjes në qeverisjen e mëparshme të PS si dhe mbesa e Haxhi Lleshit që aktualisht është këshilltare e ministrit të Jashtëm Ditmir Bushati.
. “Presidenti s’do e dekretojë kandidaturën për ambasador në OSBE, pasi nuk përmbush standardin profesional për të qenë në nivelin e ambasadorit”, kanë bërë të ditur burime pranë Presidencës në fillim të dhjetorit të vitit të kaluar. Por që është përforcuar dhe nga akuzat e PD se ministri Bushati po thërret në diplomaci të gjithë pinjollët e diktaturës, duke paralajmëruar se do jenë kundër këtyre lëvizjeve në radhët e diplomacisë.
Dekretet e Nishanit për ambasadorët
Neritan Ceka
Shkarkohet si ambasador në Itali
Kujtim Xhani
Shkarkohet si ambasador në Kinë
Genci Muçaj
Shkarkohet si ambasador në Turqi
Kujtim Morina
Shkarkohet si ambasador në Kuvajt
Ermal Muça
Emërohet ambasador në Kanada
Enkeleda Mërkuri
Emërohet ambasadore në Sllovaki
Arian Spasse
Emërohet ambasador në Hungari
Ermal Dredha
Emërohet ambasador në Emiratet e Bashkuara Arabe
Redaksia Online
(F.T/shqiptarja.com)
Lajme të tjera
-
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27 -
'Mashkull, femër apo të tjera', OSBE flet për sondazhin: E konsultuam me Kuvendin
29 Tetor, 09:18
-
Fitorja e partisë proruse, Presidentja e Gjeorgjisë thotë se nuk e njeh rezultatin e zgjedhjeve
27 Tetor, 22:27 -
'Mashkull, femër apo të tjera, çfarë gjinie je?', Tritan Shehu denoncon 'sondazhin' e OSBE-së për deputetët: Fyes, refuzoj ta plotësoj
24 Tetor, 20:21 -
'Ilir Meta të ruhet!' Deklarata e fortë e Paro Laçit në 'Studio Live': Berisha bëri plan të mirëfilltë ta eliminonte! Vrasjen do e merrte përsipër Sali Lusha! Porositi dhe vrasjen e Meidanit dhe Neritan Cekës
9 Tetor, 17:56 -
Prapaskenat e garës për sekretarin e Përgjithshëm të OSBE, Shqipëria me kandidaturën e Igli Hasanit mund rivalin turk! Si do zgjidhet në Vjenë
26 Shtator, 17:15 -
Pas Celibashit, ambasadori i OSBE-së në Shqipëri takohet me Presidentin Begaj
7 Qershor, 21:05 -
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59 -
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51 -
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45
