Përplasjet për kishën Serbe në Malin të Zi, reagime në Kosovë:  Forcat më të errëta të fashizmit, të udhëhequra nga Kisha Serbe po kthehen në Malin e Zi

Pak orë pas përplasjes të tensionuar së protestuesve dhe policëve në Kishën ortodokse Serbe në Malin e Zi kanë reaguar politikanët e Kosovës.  

Nëpërmjet një postimi në  Twitter nga ish-ministri i Punëve  të Jashtme të Kosovës, Enver Hoxhaj ka thënë së po kthehen në Malin e Zi forcat fashiste.

“Forcat më të errëta të fashizmit, të udhëhequra nga Kisha Serbe po kthehen në Malin e Zi! Kënga për kthimin e ushtrisë serbe u bë nga Rusia dhe u interpretua nga përfaqësuesit e tyre në vend”, ka reaguar Hoxhaj.

Ndërkohë nuk ka munguar as  reagimi nga ish -udhëheqësja e Grupit negociator, Edita Tahiri ku përplasjen e sotme e quan akt agresioni.

“Nuk ka fund ndërhyrja e Serbisë në vendet fqinje. Akti i sotshëm i agresionit në Mal të Zi përmes Kishës Ortodokse Serbe në Cetinje, në kryeqytetin e Kishës Ortodokse Malazeze, synon destabilizimin. Aleksandar Vuçiç po merr merr pjesë në agjendën hegjemoniste të Millosheviçit”, ka shkruar Tahiri në Twitter.

Lajmi kryesor:

Tension në ceremoninë e shugurimit të kreut të Kishës Ortodokse Serbe të Malit të Zi, përplasje mes protestuesve dhe policëve

K.T./B.K./Shqiptarja.com

TAG:
• mali i zi
• Kisha Ortodokse Serbe