Përpunim fruta-perimeve e qumështit
Panariti:Çekia mund të na mbështesë

Ministri i Bujqësisë Edmond Panariti ka takuar sot homologun e tij çek Marian Jurečka me të cilin ka diskutuar për marrëdhëniet dypalëshe dhe nxitjen e shkëmbimeve tregtare, ku Panariti mësohet se gjatë takimit me delegacionin që e shoqëronte ka thënë se, ka marrë mbështetjen çeke për procesin e përafrimit të legjislacionit me BE dhe mundësi financimi për linjat e përpunimit të qumështit e fruta-perimeve.

Panariti nënvizoi se, Çekia mund të mbështesë në përafrimin e legjislacionit shqipëtar me BE, falë eksperiencës së saj në plotësimin e kornizës ligjiore, përkatësisht në procesin e negocjimit të kapitujve 11 për zhvillimin rural dhe 12 për marrëveshjen fito-sanitare dhe veterinare. Në këtë kuadër, ministrat ranë dakord për organizimin e një ëork-shopi në Tiranë, në vjeshtë, ku ekspertët e dy ministrive të identifikojnë çështjet të cilat kërkojnë mbështetje dhe ekspertizën çeke.

Panariti siguroi homologun çek se eksportuesit shqiptarë kanë shprehur interes për të hyrë në tregun çek dhe tashmë janë disa kompani shqiptare, tëcilat eksportojnë fruta-perime. Për të nxitur këtë trend, ministri Panariti i kërkoi ministrit Jurečka, të gjejë një mundësi financimi  nëpërmjet sistemit bankar çek ose nëpërmjet fondit të garancisë, të mbështesi kompaninë shqiptare në akizicionimin e linjave të prodhimit për përpunimin e fruta-perimeve, për industrinë e qumështit dhe të mishit. Ministri Jurečka premtoi se, do t’ia adresojë këtë çështje Bankës Tregëtare Çeke, për të gjetur instrumentat e duhura financiare për të kredituar investimet e kompanive shqiptare të cilat operojnë në sektorin bujqësor.

Gjatë takimit palët nënvizuan nevojën e rritjes së shkëmbimeve në fushën e kërkimit shkencor midis institucioneve të arsimit, mundësi e organizimit tëgrupeve të stundentëve, të vizitojnë të dyja vendet.

Pas takimit midis dy ministrave, Panariti dhe delegacioni që e shoqëron, vizituan një shoqatë bujqësore me cikël të mbyllur, e cila zhvillon aktivitetin e saj në fushën e blegtorisë dhe prodhimit të ushqimit për kafshët, në kompaninë prodhuese të traktorave "Zetor", markë shumë e njohur në tregun shqiptar dhe në një fabrikë të prodhimit të birrës çeke.

Redaksia Online
(F.T/shqiptarja.com)