POP 5

Lajmet më të lexuara të 5 minutave të fundit

Përrallë me tre ligje

Dukej sikur jeta jonë varej në tre ligjet. Sidomos mazhoranca të vinte një ankth: pa kaluar sa më shpejt reforma për Drejtësinë, Korrupsionin dhe Administratën Civile nuk do të merrnim dot frymë. Por edhe disa ndërkombëtarë. Dhe dukej sikur më të shqetësuar nga të gjithë shqiptarët për Drejtësinë dhe Korrupsionin ishin ata që e gjenerojnë më shumë: Pushtetarët.
Përrallë me tre ligje
Dukej sikur jeta jonë varej në tre ligjet. Sidomos mazhoranca të vinte një ankth: pa kaluar sa më shpejt reforma për Drejtësinë, Korrupsionin dhe Administratën Civile nuk do të merrnim dot frymë. Por edhe disa ndërkombëtarë. Dhe dukej sikur më të shqetësuar nga të gjithë shqiptarët për Drejtësinë dhe Korrupsionin ishin ata që e gjenerojnë më shumë: Pushtetarët. Vërtetë kaq të shqetësuar për integrimin ata që rregullat i shkelin në çdo pjesë e formë? Halli i tyre është gjetkë; thjeshtë e shpejt do ta shohim ku dhe përse. 

Propaganda insistoi duke përdorur dhe zëra ndërkombëtarë se edhe Stefan Fyle do të vinte në Tiranë për 3 ligjet, por, që në të vërtetë rezultoi se nuk ishte kryesisht për atë qëllim.
Linja e Bashkimit Europian, përkoi këtë herë si jo më mirë me mesazhin e Shteteve të Bashkuara, dhënë vetëm pak ditë më parë përmes një editoriali të ambasadorit Aleksandër Arvizu: Shqetësimi dhe prioriteti kryesor mbetet zhvillimi i lirë dhe i ndershëm i zgjedhjeve. 

Pse u krijua fantazma e tre ligjeve, që në të vërtetë është vetëm një që shqetëson pushtetin aktual: Reforma e Administratës. Miratimi me shpejtësi, nxitim dhe pa konsensus i kësaj reforme, do të thotë të mbeten përjetë në gjithë sistemin publik militantët e vendosur në këto vite pa asnjë kriter meritokracie, por vetëm në bazë të favoreve elektorale. Fenomeni i vendosjes së militantëve në çdo qelizë të Administratës Publike po bëhet gjithnjë e më i shpeshtë këto muajt e fundit. Nuk po kursehet asnjë vend, që nga pastrues deri te poste më të larta teknicienësh, drejtorësh e më gjerë, duke i mbushur me ata që më pas, me miratimin e Statusit të Nepunësit Civil në kuadër të Reformës, do të ishte shumë e vështirë të zëvendësoheshin me personel administrate të kualifikuar.
 
Por mazhoranca ka nevojë të furnizohet me vota pikërisht nga kjo kategori nëpunësish dhe familjet e tyre. Ndërsa opozita, frikësohet të goditet tamam nga kjo. Edhe faktori ndërkombëtar duket se është ndërgjegjësuar, se nuk janë tre ligje që bëjnë diferencën mes nesh dhe Bashkimit Europian, por serioziteti dhe dëshira për të respektuar rregullat e një demokracie reale. Vota e ndershme dhe e drejtë, është embrioni që tregon se sa demokratë dhe europianë jemi bërë në të vërtetë.

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Moti i keq në Durrës, ishte ankoruar në portin e peshkimit, fundoset peshkarexha ‘Gimi dhe Geri’

Moti i keq në Durrës, ishte ankoruar në portin e peshkimit, fundoset peshkarexha ‘Gimi dhe Geri’

23 Dhjetor, 14:40