POP 5

Lajmet më të lexuara të 5 minutave të fundit

Bota

'Përshëndetje fashiste?' Gjesti i Elon Musk shkakton polemika, reagon miliarderi: Truke të ndyra! Komenton dhe i besuari: Nuk i pëlqejnë ekstremistët

Video origjinale u fshi ndërsa polemikat rreth gjestit vazhdojnë të marrin vëmendje, duke nxitur debate mbi qëndrimet publike dhe përgjegjësinë sociale të figurave të fuqishme si Musk. Reagon miliarderi.

'Përshëndetje fashiste?' Gjesti i Elon Musk shkakton polemika, reagon miliarderi: Truke të ndyra! Komenton dhe i besuari: Nuk i pëlqejnë ekstremistët

Elon Musk

WASHINGTON- Përshëndetja e shumëpërfolur nga Elon Musk ka bërë bujë gjatë festimeve për inaugurimin e presidentit të ri të Shteteve të Bashkuara. Në Capital One Arena të Washington-it, pranë Kapitolit ku më herët Donald Trump kishte bërë betimin, Musk bëri një përshëndetje që shumë e intepretuan si "përshëndetje fashiste”, duke shkaktuar reagime të forta.

Arena ishte e mbushur me mbështetës të Trump-it, të cilët po ndiqnin ceremoninë përmes një ekrani gjigant dhe prisnin mbërritjen e presidentit dhe zonjës së parë, Melania Trump.

Një fjalim emocionues dhe gjesti polemik
I ftuar nga Trump për të folur, Musk mbajti një fjalim më të artikuluar pas një paraqitjeje disi të hutuar një natë më parë. “Zgjedhjet vijnë dhe shkojnë,” tha ai, “disa janë të rëndësishme, disa jo, por kjo kishte rëndësi, dhe dua t’ju falënderoj që e bëtë të mundur këtë.”

Pas këtyre fjalëve, Musk vendosi dorën në zemër dhe më pas ngriti krahun me gishtat e shtrirë, një gjest që zakonisht lidhet me Perandorinë Romake, por edhe me regjimin nazist. Turma reagoi me entuziazëm, ndërsa Musk përsëriti gjestin me një pozicion disi më të ulët të krahut dhe tha: “Ju jap zemrën time.” Në fjalimin e tij, ai lavdëroi mbështetësit për kontributin e tyre në “sigurimin e një të ardhmeje të qytetëruar” dhe për vizionin për qytete e kufij të sigurt dhe politika të arsyeshme.

Reagimet dhe akuzat
Gjesti i Musk u përhap me shpejtësi në rrjetet sociale dhe mediat ndërkombëtare, duke nxitur polemika. Në platformën X (ish-Tëitter), shumë përdorues shprehën indinjatën e tyre, duke e lidhur këtë gjest me ideologji ekstremiste. “A bëri Elon Musk një përshëndetje fashiste gjatë fjalimit?” pyeti Hasan Piker, një komentator politik. Komente të tjera e cilësuan këtë si një “pwrshwndetje naziste në televizion.”

Gazeta izraelite “Haaretz” e përshkroi gjestin si një përshëndetje fashiste të lidhur me Gjermaninë naziste, duke theksuar rëndësinë e imazhit që kjo përcjell.

Përgjigjet dhe qëndrimet e përfaqësuesve të Musk

"Gjesti im është keqinterpretuar," ka thënë Musk, duke ironizuar kritikët për metodat e tyre. “Sinqerisht, kanë nevojë për truke më të mira. Ky sulm ‘të gjithë janë Hitler’ është i tejkaluar,” ka shkruar ai në platformën X (ish-Twitter).

Megjithëse postimi origjinal u fshi, polemikat rreth gjestit vazhdojnë të marrin vëmendje, duke nxitur debate mbi qëndrimet publike dhe përgjegjësinë sociale të figurave të fuqishme si Musk.

Edhe përfaqësuesi i Musk në Itali, Andrea Stroppa, u përpoq të sqarojë situatën duke thënë se “Elon nuk i pëlqen ekstremistët” dhe se gjesti ishte një mënyrë unike e Musk për të shprehur emocionet, duke e lidhur këtë me faktin se ai është autist. Stroppa theksoi gjithashtu se interpretimet që e lidhin këtë veprim me nazizmin janë të pabaza.

Megjithatë, situata u tensionua më tej nga mbështetja e Musk për partinë gjermane të ekstremit të djathtë Alternative für Deutschland (AfD). Në një bisedë me bashkëudhëheqësen e AfD-së, Alice Weidel, Musk kishte deklaruar se vetëm ky grup politik mund të shpëtojë Gjermaninë. Deklarata shkaktoi reagime, veçanërisht për shkak të qëndrimeve kontroverse të Ëeidel mbi Hitlerin dhe komunizmin.

Ky incident ka sjellë në qendër të vëmendjes përgjegjësinë publike të figurave të fuqishme dhe ndikimin që mesazhet e tyre mund të kenë në shoqëri. /Repubblica/

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Tiranë/ Zjarri i një dite më parë në katin e katërt të një ndërtese në 'Komunën e Parisit', Policia: Janë djegur zyrat e një banke të nivelit të dytë dhe një restorant

Tiranë/ Zjarri i një dite më parë në katin e katërt të një ndërtese në 'Komunën e Parisit', Policia: Janë djegur zyrat e një banke të nivelit të dytë dhe një restorant

21 Janar, 14:54