Persona me aftësi të kufizuar paraplegjik dhe tetraplegjik kanë protestuar sot para Kuvendit për të drejtat e tyre. Ata i ka takuar edhe Kryeministri Rama pas fjalës që ai mbajti në seancë plenare.
"Na jepni mundësi të jetojmë të pavarur dhe kaq, të mos bëhemi barrë. Ne i kemi bërë të ditura kërkesat edhe në institucionin që ju drejtoni, edhe në Ministrinë e Shëndetësisë", i tha një përfaqësues i protestuesve Ramës.
Kryeministri tha se do të jetë ministrja ajo që do t'i presë dhe më pas do të diskutojnë. Kreu i qeverisë po ashtu njoftoi se nesër do të niset për në SHBA.
"Për momentin do t'ju presë Ministrja dhe më pas unë do të komunikoj me të. Ministrja do t'ju presë brenda. Mos rrini më në shi. Për momentin takoni ministren, pastaj do të shikojmë marrëveshjen, çfarë ka marrëveshje dhe shikojmë e bëjmë! Nesër iki ne SHBA dhe sapo të kthehem prej andej do ju pres në zyrë", tha Rama.
Pas takimit me Ramën, protestuesit u takuan në ambientet e godinës së seancave plenare të Kuvendit me ministren e Financave, Delina Ibrahimaj. Përfaqësuesi i tyre tha për mediat pas takimit se kanë marrë premtim se kërkesat e tyre do të trajtohen.
Kërkesat: Rimbursim i paketës së higjienës; Rikthimi i pagesës për energjinë elektrike; Kujdestari të paguhet me pagë minimale; Kujdestari të futet në punët e rënda; 80 litra karburant në muaj; godinë në një nga plazhet Durrës apo Shëngjin për rehabilitim; Rimbursim i ilaçeve.
Personat me aftësi të kufizuara janë takuar me ministren e Financave, Delina Ibrahimaj, pasi u takuan para Kuvendit me Kryeministrin Rama. Përfaqësuesi i tyre tha për mediat pas takimit se kanë marrë premtim se kërkesat e tyre do të trajtohen.
"Ne nuk pretendojmë të na realizohen të shtata pikat ekonomike. Ne duam që dita e premte të jetë e bukur për ne. Kemi një marrëveshje dhe kërkojmë implementim. Unë jam i bindur se ata do të shprehen pozitivisht për kërkesat tona. Sigurisht që të shtata kërkesat nuk mund të realizohen me një të rënë të lapsit.
Kërkesat tona janë: Rimbursim i paketës së higjienës. Rikthimi i pagesës për energjinë elektrike. Më parë 80% na e paguante shtetin dhe na e hoqi PD kur ishte në pushtet. Duam të na kthehen siç ishte. Kujdestari të paguhet me pagë minimale dhe të futet në punët e rënda. Ne duam 80 litra karburant që ne të lëvizim. Çmimi i karburantit është shumë i lartë. Të na jepet një godinë në plazhet Durrës apo Shëngjin. Ne nuk trajtohemi me ilaçe", tha përfaqësuesi i personave me aftësi të kufizuara.
Komente
Lajme të tjera
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor, 18:31 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Spiropali uron besimtarët për Krishtlindjet: Jezu Krishti na tregon se dashuria është forca më e madhe njerëzore dhe jo sundimi, pushteti apo pasuria!
24 Dhjetor, 17:48 -
Protesta në kryeqytetin e Sirisë, shkak djegia e pemës së Krishtlindjes (VIDEO)
24 Dhjetor, 12:54 -
‘Propagandë me TikTok-un, por janë kokë e këmbë në EncroChat’, Basha: Më 11 maj të pastrojmë politikën nga të korruptuarit
24 Dhjetor, 12:35 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
Lutfi Dervishi: Bllokim rrugësh apo hapje shtigjesh…
23 Dhjetor, 20:22
-
Kreshnik Spahiu: Kërkojnë qeveri teknike apo bashki teknike?
23 Dhjetor, 19:39
ah more te shkrete... gjetet kishe ku te faleni, keshtu i thone ketij takimi.
PërgjigjuKerkesa minimale per nje jete me dinjitoze. Te mos diskriminohen; te ndjehen se jane njerez si gjithe te tjeret, pavarsisht paaftesise; te cilen e vuajne ata, por akoma me shume familjaret e tyre. Komisioni i vleresimit te paaftesise, skandaloz, jep paaftesi te perkoheshme deri 3 vjet, te cilen e perserit cdo 3 vjet; kur personi para e tetraplegjik paaftesine e kane te PERJETESHME. Kjo eshte turp e tallje me fatkeqet. Ministrja duhet ta shohe mire kete problem.
Përgjigju