E gjitha kjo pasi natën e kaluar dy persona të dyshuar me maska në kokë dhe të armatosur, njëri me kallashnikov e tjetri me thikë, kanë kërkuar para nga disa banorë që po rrinin para një dyqani në fshatin Orqushë, që ndodhet afër brezit kufitar me Shqipërinë.
Patrullimi i përbashkët ka të bëjë me dyshimin e bazuar se këta persona mund të jenë nga fshatrat e shtetit shqiptar pranë brezit kufitar, ndërsa policia e Dragashit është zotuar të kryejë hetime në territorin e kësaj komune, sepse tani për tani nuk dihet se kush janë autorët e këtij rasti.
Dy të armatosurit për të krijuar frikë dhe panik kanë shtënë me armë në ajër. Krismat kanë alarmuar banorët e fshatit të cilët janë mbledhur, ndërsa të dyshuarit kanë ikur në drejtim të paditur.
Policia në vendin e ngjarjes ka gjetur dhe sekuestruar katër gëzhoja të kallashnikovit.
Ndërkaq në vendkalimin kufitar afër fshatit Orqushë, vazhdon puna në mënyrë normale.
Marrë nga "Kosova Press"
Redaksia Online
(e.s/shqiptarja.com)