POP 5

Lajmet më të lexuara të 5 minutave të fundit

Sociale

Personazh/ Gruaja që frymëzohet prej bukurisë e mençurisë! Myzejen Konduri prej 21 vitesh organizon Miss e Mister Durrësi

Prej 21 vitesh Myzejen Konduri është endur në kërkim të më të bukurës në qytetin e Durrësit. Ajo sot është një grua në moshë por refuzon të heqë dorë nga organizimi i Miss dhe Mister Durrësi pasi përveç një kurore mbi kokë, të rinjve fitues u hapet edhe dera e një universiteti.

Bukuria dhe mençuria e frymëzojnë prej 21 vitesh. Rend pas pasionit të saj për të realizuar ëndrrat e të rinjve. Kjo është Myzejen Konduri, zonja që të gjithë e njohin për organizimin e Miss dhe Mister Durrësi e Miss e Mister Shijaku, vendlindja e saj.

Ky rrugëtim i gjatë mes të rinjve e ka përballur edhe me ndryshimin e mentalitetit që kanë pësuar familjet e qytetit bregdetar. Më të vështirën në eksperiencën e saj 21 vjeçare nënvizon vitin e parë pasi siç shprehet vetë ajo mentaliteti në familjet e vajzave ishte një hendek i thellë.

Pse vlerësohet bukuria dhe mençuria në një konkurs bukurie? Sepse përveç një kurore mbi kokë, të rinjve fitues u hapet edhe dera e një universiteti.

Myzejen Konduri e gjen veten edhe në botën e fëmijëve apo në rreshtat e rimuara të një poezie, pasi sot renditen disa vëllime me poezi dhe libra për fëmijë të shkruara prej saj. Myzejeni është gruaja që mendon se si të bëjë bashkë durrsakët e jo vetëm.

Kërkon hapësira për organizimin e aktiviteteve të ndryshme kulturore me qëllim promovimin dhe vlerësimin e njerëzve të njohur për komunitetin lokal e më gjerë. 48 vajza dhe djem të moshave 15-18 vjeç garuan në konkursin e bukurisë këtë vit në Durrës. E shndërruar në traditë për durrsakët, të gjithë bëhen pjesë e këtij eventi, zyrtarë, mjekë, aktorë e qytetarë.

Në përfundim të spektaklit, dy ishin të rinjtë të cilët u shpallën simbol i bukurisë së qytetit të Durrësit për vitin 2023, Miss Durrësi, 16-vjeçarja Tea Jahja nga shkolla Jan Kukuzeli dhe Mister Durrësi, 16-vjeçari Kleo Kulja nga gjimnazi “Rilindja”. Këto emocione, ky turravrap pas anktheve të një gare dhe kurorëzimi i më të bukurës dhe vlerave janë lajtmotivi i jetës së Myzejenit që edhe pse një grua në moshë, shijon të tashmen dhe rendit planet e saj për të ardhmen.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ndryshe nga biznesi i vogël profesionet e lira do të tatohen, si ju duket?

Lajme të tjera



×

Lajmi i fundit

Biden vaksinohet kundër Covid-19

Biden vaksinohet kundër Covid-19

24 Shtator, 20:20