POP 5

Lajmet më të lexuara të 5 minutave të fundit

Drejt Punës

Personazh/ Mite Çakalli, gjysmë shekulli duke riparuar motorë! 64 vjeçarja nga Bulqiza rrëfen për Report Tv pasionin dhe vështirësitë: Më thanë 'ju qenkeni mrekullia e tetë'

64 vjeçarja Mite Çakalli ushtron prej 43 vitesh zanatin e mekanikes së motorëve. Për Report Tv ajo tregon vështirësitë e profesionit, por edhe kujtimet që e kanë shoqëruar përgjatë gati gjysmë shekulli punë. 

BULQIZË-Rreth gjysmë shekulli dedikuar punës si mekanike. Ndodh rrallë të takosh një grua me profesion të tillë, por  Mite Çakalli, 64 vjecarja nga Bulqiza prej 43 vitesh nuk ka ndalur së ushtruari zanatin e riparimit të elektromotorrëve.

"Sa kam mbaru shkollën, më 11 tetor të po të atij viti, në 77-ën unë fillova punë në fabrikë si elektriciste. Që atëherë pa shkëputje fare fillova në miniere. Zanati im ishte i domosdoshëm në minierë", tha zanatçija, Mite Çakalli.

Ndonëse një profesion i ushtruar shumë pak nga gratë, paragjykimet nuk i ka ndjerë. E vetmja që vështirësoi ditët e saj të punës ishte lodhja që shoqëron një profesion të tillë.

“Kohët më parë kanë qenë shumë të vështira. 43 vjet punë. Nuk ka vetëm punë elektrike, por edhe thurje, hapje motori, kapakësh”, u shpreh mekanikja.

Me nostalgji, 64 vjeçarja kujton kohën kur punoi në minierën e Bulqizës.

“Na panë tek pusi bashkë me shoqen time dhe u çuditën. Si ka mundësi që akoma vazhdoj punë në minierë. E krahasuan. Thanë shtatë mrekulli ka bota, por ju qenkeni mrekullia e tetë. Si i keni rezistuar”, tha Mite Çakalli.

E tashmë kur mosha e pensionit ka trokitur, ndihet pak e vlerësuar financiarisht, edhe pse jetën ia dedikoi një profesioni të vështirë.

“Me thënë të drejtën profesioni shumë i ulët. 290 mijë lekë. Shumë i ulët. Nuk jam aspak e kënaqur me këtë pension”, tha zanatçija.

E pavarësisht mos vlerësimit, 64 vjecarja Mite Çakalli nuk ka hequr dorë nga profesioni i hershëm. Vitet e stërmundimshme, nuk ia kanë zbehur dëshirën të vijojë punën në një prej fabrikave të zonës.

“E kam pasion. Nuk rri. Vij në mëngjes me djalin. Nga fshati. Punoj një punë të vogël. Çfarë vjen”, tregoi zonja.

Jeta e bëri të kuptojë, se zanati, sic e quan ajo, ishte zgjedhja e duhur. E teksa në realitetin shqiptar has gjithnjë e më pak të rinj të dedikuar për të ushtruar një profesion, Mitja ka një thirrje edhe për ta.

“Me thënë të drejtën e kam preferuar gjithmonë dhe nuk rri dot pa këtë punë. Asnjëherë nuk i kam pasur lakmi shoqet që punojnë në punë të mira”, përfundoi Mite Çakalli.

K.T./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • pune turqish: 05/07/2021 18:51

    Pune e vertete. Ata njerez qe na japin buke e jo llogje e pallavra pa fund e shikoni si jetojne e punojne. Shikoni repartin e saj te vogel plot lageshti e rremuje. Ai repart s'te jep ate kenaqesine e nje pune dhe zanati progresiv dhe modern. Vetem vendet e punes DUHET te jene moderne e me kushte e ndertime e forme moderne e paramune e te forta, ku çdo gje te jete ne vendin e vet edhe e pershtateshme, e bukur dhe e forte. Jo klube e kuplarara e vila e zyra me lukse e bukurira, po vendet e punes e repartet ku punohet e prodhohet DUHET TE JENE te persosura e moderne e shlodhese.

    Përgjigju
  • Faik: 05/07/2021 02:26

    RESPEKTE pafund për ZONJËN e NDERUAR

    Përgjigju
  • goni: 04/07/2021 18:44

    shume respekt per zonjen...

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51