Përurimi i teatrit, Rama ‘zbulon’ bisedën me arkitektin: I thashë, s’jemi vend për ato tarifat e frikshme, kemi bërë pazar të mirë

 

Kryeministri Rama zbuloi se çfarë i kishte thënë arkitektit më përpara se të realizonte projektin e teatrit të ri. Rama u shpreh se i kishte thënë arkitektit se nuk jemi vendi për të vendosur ato tarifat e frikshme dhe se kishin bërë një Pazar të mirë për projektin. Me humor, Rama u shpreh se arkitekti do ketë se çfarë të rrëfejë kur ta pyesin nëse ka bërë ndonjë gjë të mirë në jetë e jo thjesht për të pasurit me “skonton” që bëri në Tiranë.

“Është një nga arkitektët më të shtrenjtë që të jemi të qartë dhe jemi falënderues sepse e ka kuptuar që nuk ishte ky vendi për të vendosur ato tarifat e frikshme dhe mund të them që kemi bërë pazar të mire. I kam thënë Bjarkes që bëje këtë gjë për Shqipërinë dhe shqiptarët sepse do ta kesh si argument që kur të shkosh tek Shën Pjetri, e të thotë: “mor, djalë, mirë fitove tërë ato lekë po ndonjë gjë të mirë për njerëzit bëre apo thjesht punove për kapitalistët dhe për të pasurit?” Edhe do t’i thuash, shiko se  kam bërë dhe një teatër atje në Tiranë ku kam bërë një skonto të rëndësishme”, tha Rama.

LEXO EDHE:
Personalitetet më të mëdha të muzikës tekno elektrizojnë sot Tiranën, Veliaj: Nëse nuk ikim dot nëpër festivalet botërore, i sjellim ato këtu

Lajmi kryesor:

Përurimi i punimeve për ndërtimin e Teatrit të ri Kombëtar, do quhet 'Zemra e Tiranës', Rama: Gur i çmuar, do organizohen aktivitete ndërkombëtare

G.MO/r.k./Shqiptarja.com

TAG:
• erion veliaj
• teatri kombetar
• Tirane
• edi rama
• Bjarke Ingels