Petkoviç: Kosova ‘mbjell’ armë në veri për të fajësuar Serbinë

Drejtori i Zyrës për Kosovën në Qeverinë e Serbisë, Petar Petkoviç, akuzoi autoritetet e Kosovës se i kanë “mbjellë” armët e gjetura një ditë më parë në Zveçan. Ky ka qënë termi i përdorur prej tij gjatë një konference për mediat.

“Policia e Kosovës po transporton armë dhe municione, të konfiskuara më herët, nga stacionet policore në zona të ndryshme. Qëllimi i tyre është që t'i përdorin armët për arrestime të reja të serbëve ose t'i ruajnë ato në veri dhe pastaj gjoja t'i gjejnë dhe akuzojnë serbët"-ka thënë Petkoviç.

LEXO EDHE:
Petkoviç: Prishtina s’më lejoi të vizitoj veriun e Kosovës

Në lidhje me deklaratën e policisë së Kosovës, se makina ku u gjetën armët i përket ndërmarrjes së hekurudhave të Serbisë, Petkoviç ka thënë automjetit i kishin skaduar targat më 2020.

Ai ka paralajmëruar se presidenti serb, Aleksandar Vuçiq do të deklarohet për këtë çështje në 24 orët e ardhshme.

Lajmi kryesor:

Armët në Zveçan, Kurti: Serbia kërkon të përshkallëzojë situatën! Ministri Zveçla: Municionet erdhën nga Beogradi, ishte planifikuar akt terrorist

M.T/Shqiptarja.com

TAG:
• Albin Kurti
• Xhelal Sveçla
• Zveçani
• tensione ne veri te kosoves
• kosove