Receta

Petulla të mbushura me mish të grirë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 30 Mars 2022, 11:30 | Përditesimi: 30 Mars 2022, 11:31

Petulla të mbushura me mish të grirë

Përbërësit:

Për brumin:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

400 gr miell

3 vezë

1 lgj vaj

Kripë

Për mbushjen:

400 gr mish i grirë

2 qepë

½ tufë majdanoz

Kripë, piper

Kubikë akulli

Përgatitja:

Vendosim një sasi mielli në një enë. Bëjmë një gropë në qendër ku shtojmë vezët, vajin dhe kripën. E punojmë për 2-3 minuta me pirun, më pas shtojmë miellin e mbetur dhe e punojmë brumin me duar. Brumi duhet të jetë pak a shumë i fortë, prandaj duhet punuar mirë për rreth 15 minuta. Më pas e vendosim me një pjatë me një tenxhere të kthyer përmbys. E lemë të pushojë për 15 minuta.

Hapim brumin në një petë të madhe dhe me anë të një forme realizojmë disa rrathë. Mishin e grirë e trazojmë me qepën e grirë, majdanozin, kripën, piperin. Në mes të çdo rrethi vendosim nga një lugë mbushje dhe në qendër të mbushjes vendosim nga një kubik akulli. Puthisim mirë anët dhe e mbështjellim petën si një bohçe.

Në një tenxhere me ujë të vluar hedhim pak kripë dhe zhysim bohçet e brumit të mbushura. I lemë të ziejnë për 5 minuta dhe më pas i servirim në një pjatancë.