“Duke u gdhirë 4 korriku 2005, grupi i opinionistëve të Televizionit “Klan”, u grumbullua në zyrën e drejtuesit të saj kryesor. Pothuajse të gjithë, nga analiza që i bënim qeverisjes së majtë ishim afishuar në qëndrimet tona publike, me domosdoshmërinë e kalimit të PS në opozitë pas 8 vitesh qeverisje dhe për rikthimin e së djathtës me votë në pushtet.
Ndërkohë ndiqja me shumë vëmendje, frikën e socialistëve, për një përsëritje nga Saliu i Dytë, të asaj çfarë kishte ndodhur më 1996, me Saliun e Parë...Në kulmin e diskutimeve mes kolegëve, atëherë kur u kuptua se peshorja e votave të shqiptarëve po anonte drejt fitores së PD, në zyrën ku po qëndronin, bie zilja e telefonit.
I zoti i shtëpisë ngriti receptorin dhe pasi njohu zërin e Doktorit, shtypi butonin që mundësonte dëgjimin e bisedës nga të gjithë. E uroi për fitoren. Kryetari i PD pasi mësoi për praninë e të gjithëve aty, na përshëndeti dhe pyeti: “Ç’po bëni?” Dhe ai i’u përgjigj: “Po ja. Tani që të ndihmuam që të rikthehesh në pushtet, po diskutojmë se si të rrëzojmë përsëri.”
Batuta u shoqërua me të qeshura” tregoi Alfred Peza përpara konventës së selisë rozë. Edhe pse në fjalimin e tij nuk ka përmendur emrat e analistëve që ishin në atë takim, ditën e djeshme, Peza saktësoi se në atë takim në zyrën e Aleksandër Frangajt, pronar i TV Klan, kanë qenë ai vetë, Aleksandër Frangaj, Andi Bushati, Armand Shkullaku, Blendi Fevziu e Fatos Lubonja.
Peza tha në fjalën e tij para socialistëve se kjo ndarje vazhdon edhe sot, ku një pjesë e gazetarëve në atë dhomë vazhdojnë që të mbështesin qeverinë e kryeministrit Sali Berisha, ndërkohë që një pjesë tjetër kuptuan se ishin kritikë me qeverinë. Ish gazetari premton se shumë shpejt, pas 23 qershorit, nuk do të ketë më klientelizëm në ndarjen e parave të reklamave shtetërore.
“Krijimi i modeleve të suksesit mediatik, nëpërmjet lulëzimit financiar vetëm pas nënshtrimit total dhe vënies pa kushte në shërbimit të qeverisë, ka sjellë në Shqipëri epokën e kioska familjare mediatike. Ku pronarët dhe familjarët e tyre, si kurrë më parë në historinë e medias botërore, janë bërë sot edhe drejtuesit editorial të tyre” tha Peza.
KËRCËNIMET
Ndërkohë që ditën e djeshme, kandidati për deputet i PS në zonën e Peqinit denoncoi abuzimin e gjithë “makinerisë shtetërore” sipas tij, ndaj të gjithë bizneseve, të punësuarve, por edhe qytetarëve të cilët morën pjesë në takimin elektoral të prezantimit të tij si kandidat për deputet i zonës së Peqinit.
“Prej një jave, që nga prezantimi im përpara strukturave të PS, miqve dhe simpatizanteve të mi të shumtë në Peqin, si kandidat për deputet, e gjithë qeveria me strukturat e saj qendrore dhe lokale, kanë filluar një fushatë të jashtëzakonshme dhune, terrori dhe kërcënimesh.
Duke instaluar ne Peqin, "Diktaturën e çapës së bukës". Janë pushuar njerez nga puna dhe kërcënohet çdo person që takohet me mua. Për këtë situatë, kërkoj solidaritetin tuaj. Sot (dje) po përgatis një njoftim me të gjitha provat dhe do ia dergoj Presidentit Nishani, Kryeministrit Berisha, Ambasadorit të SHBA, BE, OSBE e të gjitha mediave ndërkombëtare” thotë Alfred Peza në njoftimin e tij publik.
Shkrimi u botua në gazetën Shqiptarja.com
Redaksia Online
(b.m/shqiptraja.com)
Lajme të tjera
-
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27 -
'Mashkull, femër apo të tjera', OSBE flet për sondazhin: E konsultuam me Kuvendin
29 Tetor, 09:18
-
Fitorja e partisë proruse, Presidentja e Gjeorgjisë thotë se nuk e njeh rezultatin e zgjedhjeve
27 Tetor, 22:27 -
'Mashkull, femër apo të tjera, çfarë gjinie je?', Tritan Shehu denoncon 'sondazhin' e OSBE-së për deputetët: Fyes, refuzoj ta plotësoj
24 Tetor, 20:21 -
Nga Batoni, tek Bushati, Shkullaku e Fevziu: Të gjithë të revoltuar, pse u mor 'zvarrë' Ilir Meta
22 Tetor, 18:24 -
Prapaskenat e garës për sekretarin e Përgjithshëm të OSBE, Shqipëria me kandidaturën e Igli Hasanit mund rivalin turk! Si do zgjidhet në Vjenë
26 Shtator, 17:15 -
Pas Celibashit, ambasadori i OSBE-së në Shqipëri takohet me Presidentin Begaj
7 Qershor, 21:05 -
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59 -
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51 -
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45
