Piloti Guido Gudi largohet në
Itali, lë avionin në Shqipëri
10 mijë € garanci italiani mori pasaportën

Piloti Guido Gudi largohet në<br />Itali, lë avionin në Shqipëri<br />10 mijë € garanci italiani mori pasaportën
TIRANE-Dy ditë pasi mori me vendim gjykate pasaportën kundrejt një garancie pasurore prej 10 mijë euro, piloti italian i avionit të rrëzuar në Ishëm largohet nga Shqipëria.

Ajo çfarë mbetet pas pesë muajve hetime për dyshimet e një trafiku ndërkombëtar droge është vetëm avioni 'Piper' i rrëzuar në Ishëm.

Guido Guido ka lënë Shqipërinë duke udhëtuar nga Rinasi drejt Bolonjës ndërsa ai ka pranuar të paraqitet pranë hetuesve shqiptarë sa herë ata do e kërkojnë.

Pesë muaj nga rrëzimi i avionit ‘Piper’ të drejtuar nga italiani Guido Guidi dhe dyshimeve se ky mjet fluturues do përdorej për trafik droge, piloti italian arriti të marrë pasaportën e bllokuar nga autoritetet shqiptare dhe lë si garanci për llogari të hetimeve 10 mijë euro.

Garancia e Guidit u pranua këtë të martë në Gjykatën e Krimeve të Rënda aty ku Prokuroria e Krimeve ka qenë dakord që t'i rikthehet pasaporta pilotit Guido Guidi.

Ky është vendimi i dytë i ndërmjetëm për dosjen e avionit të Ishmit pas atij të disa javëve më parë ku Krimet e Rënda kanë vendosur që avioni i sekuestruar në Ishëm t'i rikthehet pronarëve të ligjshëm klubit të aeronautikës Savona.

Vetë Guidi pas arrestimit pranoi se kishte ardhur për të kryer trafik droge nga Ishmi drejt Italisë por këtë dëshmi ai e ndërroi duke shfaqur një qëndrim kontradiktor para hetuesve.

Aktualisht ai ka statusin e bashkëpunëtorit të drejtësisë dhe këto 5 muaj ka qenë nën mbrojtien e autoriteteve shqiptare.

(d.b/Shqiptarja.com)

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri