POP 5

Lajmet më të lexuara të 5 minutave të fundit

Sociale

Pishkash dhe Skroskë, fshatrat ‘e harruar’ të Përrenjasit, prej vitesh pa asnjë investim! Banorët: Duam thjesht një asfaltim rruge

Në fshatrat malorë të Përrenjasit prej vitesh nuk është kryer asnjë investim në infrastrukturë. Banorët tregojnë për vështirësitë, sidomos për rrugën e pa asfaltuar, mungesën e shkollës, që po çojnë në shpopullim

Pishkash Vërri, Pishkash dhe Skroskë janë tre fshatra malorë të Bashkisë Përrenjas, ku jetojnë afro 1 mijë banorë.  Çdo ditë ata duhet të përshkojnë këtë rrugë me çakull, nëpër kthesa për të marrë shërbime në qytet.

Për shkak të rrugës afro 10 kilometra, që gjatë dimrit bëhet e pakalueshme, shumë familje janë zhvendosur në zona urbane apo jashtë vendit. Ata që kanë mbetur thanë se politikanët premtojnë sa herë ka zgjedhje, por asnjëherë nuk asfaltohet. 

“Sa marrin votat ikin politikanët, rruga nuk bëhet”, tha një banor

“Disa dhe i shesin votat për një thes miell ndaj kemi mbetur kështu. Fëmijët janë larguar në emigrim dhe kur kthehen për pushime shkatërrojnë makinat. Ne jemi të harruar”, thanë një tjetër banore.

Po kështu nuk ofrohet shërbim shëndetësor, ndërsa shkolla është mbyllur disa vite më parë për shkak të rënies së numrit të nxënësve.

G.MO/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29