Pistoleta me postë, tjetër pako
nga SHBA për Zoton e arrestua

TIRANE – Sotir Zotos vazhdojnë t’i vijnë me postë nga Amerika pjesët e një pistolete. Policia e Rinasit bllokoi sot një pako postare brenda së cilës ndodhej një karikator dhe një tytë pistolete. Edhe këtë herë, pakoja në fjalë ishte dërguar në adresë të Zotos i cili që prej dy javësh ndodhet i arrestuar për trafik armësh.

Zoto, i datëlindjes 1981, nga Finiqi i Delvinës, u arrestua nga forcat e Sektorit Kundër Trafiqeve të Paligjshme pranë Drejtorisë së Përgjithshme të Policisë se Shtetit, në momentin që ishte paraqitur pranë postës së Delvinës për të tërhequr pakon e dytë me pjesët e një arme zjarri të tipit pistoletë.

Edhe këtë herë, pakot e veçanta për të riun shqiptar kanë mbërritur përmes linjave ajrore: kodi i linjës në rastin e fundit ishte OA313.