Pjesë e grupit që trafikonte drogë nga Gjermania në Itali, momenti i arrestimit të 3 prej anëtarëve në Vlorë

 

Janë publikuar pamjet e arrestimit të tre personave në Vlorë, të cilët akuzohen se janë pjesë e grupit kriminal që trafikonte drogë nga Gjermania në Itali. Në këto video shihet momenti i arrestimit të dy vëllezërve Ledian dhe Florjan Muho, 33 dhe 38 vjeç, si edhe 52-vjeçari Landi Kalemaj.

Në pamje shihet se dy vëllezërit janë arrestuar në lokal.  Operacioni ndërkombëtar që çoi në shkatërrimin e grupit kriminal që trafikonte drogë u përshëndet edhe nga ministri i Brendshëm, Taulant Balla.

“Policia e Shtetit po konsolidohet çdo ditë e më shumë si partner i besueshëm i policive dhe agjencive të vendeve partnere, sëbashku me Interpol dhe Europol në luftën kundër krimit të organizuar, me një fokus të veçantë luftën kundër grupeve kriminale të përfshira në trafikun ndërkombëtar të lëndëve narkotike dhe armëve. Gjatë natë dhe mëngjesit të sotëm është finalizuar me sukses operacioni policor ndërkombëtar “Sammogia”, ku është goditur një grup i strukturuar kriminal dhe janë arrestuar pjesëtarë të tij. Përgëzime Departamentit të Policisë Kriminale në Policinë e Shtetit për kapjen e tre të kërkuarve nga Italia dhe për koordinimin mjaft të mirë me Zyrën e Interforcës Italiane dhe Interpol Tirana”, shkruan Balla.

Lajmi kryesor:

VIDEO/ Shkatërrohet klani shqiptar që trafikonte drogë nga Gjermania në Itali, 13 të arrestuar, 3 prej tyre kapen në Vlorë! Sekuestrohet dhe 26 kg kokainë

SI.E./N.Xh/Shqiptarja.com

TAG:
• gjermani
• itali
• trafik droge
• Vlore
• ledian muho
• florjan muho
• landi kalemaj