“Vota ime do të jetë kundër kësaj pakete ligjore”, ka thënë deputeti Mark Frroku. Sipas tij Partia Kristian Demokrate nuk është bërë pjesë e procesit të konsultimit dhe përfshirjes për hartimin e draftit në Komisionin e Posaçëm Parlamentar, ndonëse një kërkesë e tillë iu është parashtruar drejtuesve të tij.
Frroku thotë se kjo reformë nuk arriti të jetë gjithëpërfshirëse. Sipas Frrokut, çështjet adimistrative dhe territoriale janë tagër kushtetues, prandaj pamundësia e një kompromisi politik mes mazhorancës dhe opozitës ia humb legjitimitetin dhe besueshmërinë një harte të re administrative të Shqipërisë.
Deputeti i Qarkut të Shkodrës ka shprehur rezerva edhe për mënyrën e ndarjes së re territoriale të zonës që përfaqëson, gjë që është shprehur edhe nga shqetësimet e banorëve të rretheve veriore.
Redaksia Online
(g.f/shqiptarja.com)