PL çon në Kuvend ndryshimet ligjore për oksidin e azotit! Xhixho: ‘Tullumbacja’ ka rrezik të përdoret vetëm për Mjekësi

Partia e Lirisë ka dërguar parlamentit një kërkesë për ndryshime ligjore, për të shpallur të dënueshëm tregtimin e oksidit të azotit jashtë mjekësisë. Nënkryetarja Erisa Xhixho tha se lënda, që edhe në Shqipëri po përdoret masivisht nga rinia duke e thithur me tullumbace, nëse shpërndahet duhet të dënohet me burg.

‘…ky gaz tregtohet lirisht në lokalet e Tiranës, madje shoqërohet edhe me faturë.. Aksionet në baret dhe mjediset e tjera rreth shkollave bëhen nul në mungesë të bazës ligjore.

…Në këto kushte, i jemi drejtuar Parlamentit me një kërkesë për ndryshimin e ligjit Për barnat narkotike dhe lëndët psikotrope. Kemi kërkuar ndryshimin e ligjit dhe krijimin e bazës ligjore për ndalimin e prodhimit, shpërndarjes  dhe tregtimit të monoskidit të azotit, duke e klasifikuar atë si lëndë me rrezikshmëri të lartë që përdoret vetëm në mjekësi.

…Britania e Madhe nga muaji i ardhshëm do të ketë efektiv ligjin që ndalon këtë lëndë dhe dënon tregtarët e saj deri në 14 vjet burg. ‘- tha Xhixho.

G.MO/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Fëmijët vrasin babain në Durrës, a është në krizë familja shqiptare?



×

Lajmi i fundit

Sportelet e FSHU të hapura edhe të dielën, paguani faturën të evitoni ndërprerjen e furnizimit

Sportelet e FSHU të hapura edhe të dielën, paguani faturën të evitoni ndërprerjen e furnizimit