Shtëpia e futbollistit italian Roberto Baggio u grabit nga persona të armatosur gjatë kohës që po luhej ndeshja Itali-Spanjë (20 qershor). Vetë futbollisti u përlesh me njërin prej grabitësve ndërsa arritën të marrin para, bizhuteri dhe sende me vlerë.
Mediat italiane kanë evidentuar një detaj jo pak me rëndësi në grabitjen e shtëpisë së futbollistit në Altavilla Vicentina, dhe që nuk u ka shpëtuar fansave të shumtë të ish-fituesit të Topit të Artë.
Pse grabitësit nuk morën Topin e Artë?!
Në fakt, trofeu i Topit të Artë, simboli i sezonit më të mirë të Baggio-s, ai i vitit 1993, nuk ndodhej në vilë. Me sa duket, sipas burimeve hetimore, Topi i Artë ruhet në kasafortën e një banke të besuar dhe pikërisht për këtë, banditët nuk kanë mundur ta marrin atë, ndërsa kanë shkatërruar shtëpinë e kampionit nga Caldogno.
Më pas janë kujtimet, trofetë e një karriere vezulluese, më të çmuarit, ato me vlerën më të lartë sentimentale duke përfshirë bluzat e veshura, fanellat e kampionëve të tjerë dhe medaljet. Ka dy hipoteza për bastisjen e dështuar nga kriminelët: e para është se autorët e grabitjes nuk e dinin që shtëpia e synuar ishte e Baggio-s, e dyta është se nuk i gjetën ose nuk kishin kohë t'i identifikonin gjatë atyre 40 minuta terrori, të cilat ish-futbollisti i kombëtares dhe familja e tij ishin në mëshirën e sulmuesve. Kriminelët plaçkitën shtëpinë, por nuk prekën dhomën me trofetë. Me pak fjalë, grabitësit ishin përgatitur, por me siguri nuk e njihnin vilën në detaje.
40 minuta terror
Sipas rikonstruksionit të policisë, banda është paraqitur në një nga dhomat e fjetjes, ku familja po ndiqte ndeshjen. Baggio iu afrua njërit prej grabitësve dhe e goditi me grusht në fytyrë dhe si kundërpërgjigje grabitësi e goditi në ballë me qytën e armës, duke e plagosur. Më pas kriminelët e kthyen shtëpinë përmbys, duke vjedhur ora, bizhuteri dhe para. Kur futbollisti kuptoi se grabitësit ishin larguar, ka thyer derën e dhomës ku ata ishin mbyllur dhe ka lajmëruar policinë. Kampioni u dërgua në urgjencën në Arzignano , ku u trajtua me disa qepje në ballë.
Komente
Lajme të tjera
-
‘Giro d’Italia 2025’ nis nga Shqipëria, jehonë në mediat e huaja
26 Dhjetor, 08:14 -
Itali/ U kap duke shitur kokainë, 29-vjeçari shqiptar lirohet pasi pranoi akuzën, dënohet me kusht (EMRI)
24 Dhjetor, 15:54 -
Gjergj Luca i dedikon këngë Giorgia Melonit për Krishtlindje: Kur dolëm nga ferri, Italia na priti duar hapur
23 Dhjetor, 20:52 -
Marrëveshja me Shqipërinë për migrantët, Meloni mbledh qeverinë: Zgjidhje e dakordësuar me BE-në
23 Dhjetor, 17:12 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Itali/ Babagjyshët me gondola garojnë në kanalin e madh në Venecia
23 Dhjetor, 13:42 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Roberto Mancini mbetet i papunë: Askush nuk më ka kontaktuar
23 Dhjetor, 11:23 -
Shatërvani i Trevit në Romë rihapet pas punimeve, monumenti do të kufizohet në 400 vizitorë, rregullat e reja për turistët
23 Dhjetor, 10:46 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
E reja italiane goditet 30 herë me thikë nga ish-i dashuri në vendin e saj të punës
22 Dhjetor, 17:53 -
Rreziku nga ‘ujku i vetmuar’! Italia përforcon masat e sigurisë pas sulmit në Magdeburg
21 Dhjetor, 21:48
