Tepelenë/ Plagosi bashkëshorten dhe më pas veten, arrestohet në spital 42-vjeçari

Tepelenë/ Plagosi bashkëshorten dhe më pas veten, arrestohet në spital 42-vjeçari

Pamje nga vendi i ngjarjes

Lulzim Nanaj, 42-vjeç është arrestuar nga policia në Tepelenë pasi goditi me thikë gruan, më pas veten. Të dy këta shtetas ndodhen në spital, nën kujdesin e mjekëve.

Floreta Nanaj, 40 vjeçe, nënë e një fëmije me autizëm, mbeti e plagosur dhe po lufton për jetën në spitalin e Tepelenës. Ajo u godit me thikë në bark nga bashkëshorti i saj pas një debati në banesë. Krimi në familje u regjistrua në orën 09:40 të një dite më parë në katin e dytë të këtij pallati në lagjen “Selam Musai” të Tepelenë.

Autori i krimit Lulzim Nanaj, 42-vjec pasi ka goditur gruan, plagosi edhe veten me thikë dhe të dy janë transportuar me urgjencë në spital, ku në gjendje më të rëndë ndodhet gruaja.

Natyra e konfliktit mbetet mister kjo edhe për shkak të gjendjes së rënduar të çiftit Nanaj. Fqinjët jashtë kamerave thanë se kanë dëgjuar debatin me zë të lartë në shtëpinë e çiftit Nanaj, por nuk janë në dijeni të motiveve.

Ata thanë se çifti Nanaj jeton në kushte të vështira ekonomike, Floreta shet në tregun e rrobave të përdorura, ndërsa i shoqi që tentoi ti merrte jetën është i papunë.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

Nesër konstituohet komisioni antikorrupsion, Fatmir Xhafajn zhvillon mbledhjen e parë

Nesër konstituohet komisioni antikorrupsion, Fatmir Xhafajn zhvillon mbledhjen e parë