TIRANE - Katër policë të repartit “Shqiponja” po patrullonin në zonën e Kinostudios, kur një person në rrugën “Hysen Xhura” sapo i pa nisi të vraponte dhe tentoi të ngjitej në shkallët e një pallati pranë. Patrulla ndërkohë po e ndiqte nga pas, kur në vrap e sipër, Klered Bozhanaj, 42 vjeç kthehet më fytyrë nga polici që kishte më afër, Edlir Alleshin, dhe e qëllon me pistoletë dy herë. Autori, siç kanë treguar tre policët e tjerë, u largua sa hap e mbyll sytë në një rrugicë pa ndriçim.
Polici i plagosur, 34 vjeç, me ndihmën e kolegut të tij u fut në një lokal ngjitur me pallatin për të kërkuar ndihmë. Ngjarja e rëndë ndodhi mbrëmjn e së mërkurrës rreth orës 19:00 dhe nga ai moment askush nuk e di ku fshihet 42-vjeçari Bozhanaj. Policia shoqëroi familjarë të tij, të cilët janë treguar shumë bashkëpunues, për të dhënë detaje ku mund të jetë fshehur, por pa një rezultat konkret. Tentativa për të komunikuar me të përmes celularit dhe rënies së një ujdie për vetëdorëzim doli e pasuksesshme, pasi që pas ngjarjes celulari i tij është fikur.
Pak metra larg vendit ku plagosi me 2 plumba në bark policin, aktualisht jashtë rrezikut për jetën, Bozhanaj i cili para disa kohësh ishte kthyer nga Italia, la në parkim makinën e tij tip “Audi” me targa italiane. Pak pas ngjarjes, kryepolici i Tiranës, Tonin Vocaj, referuar të dhënave familjare, tha se se autori është në depresion dhe për këtë arsye konsiderohet i rrezikshëm.
Të gjithë efektivët, edhe ata të patrullave, janë porositur për kujdes të shtuar, deri në lokalizimin dhe arrestimin e tij, ndërsa për atë që ka informacion se ku fshihet janë vënë në dispozicion 20 mijë euro shpërblim.
Efektivi i ‘Shqiponjave’, Edlir Alleshi u qëllua mbrëmjen e mërkurës (20 shtator), në zonën e njohur si ‘Oxhaku’ në Tiranë me dy plumba nga Klered Bozhanaj. Efektivi është qëlluar me dy plumba në bark. Ai i është nënshtruar një ndërhyrjeje kirurgjikale në spital dhe ndodhet jashtë rrezikut për jetën.
Policia njofton se shërbimet e Forcës së Posaçme "Shqiponja" pasi kanë marrë informacion për një person që qarkullonte me armë zjarri, janë vënë në ndjekje të të dyshuarit. Gjatë kontrollit, personi i armatosur ka hapur zjarr në drejtim të "Shqiponjave", dhe si pasojë është plagosur Alleshin në bark. Autori më pas është larguar me një makinë.
Klered Bozhanajn, autori i plagosjes së efektivit Edlir Alleshi një natë më parë në Tiranë, është ende në arrati. Policia thotë se kërkimet po vijojnë dhe janë shtrirë në Tiranë, Durrës, Elbasan e Vlorë.
Për këdo që jep informacion për Klered Bozhanaj policia ka vënë shpërblim 20 mijë euro. Ditën e ngjarjes, Bozhanaj kishte veshur tuta dhe bluzë gri, si edhe kishte vendosur një kapele të zezë. Ai është rreth 180 cm i gjatë.
“Gjatë natës së mbrëmshme dhe ditës së sotme, ka vijuar kërkimi intensiv për kapjen e autorit të ngjarjes së ndodhur në rrugën "Hysen Xhura", shtetasit Klered Bozhanaj, 42 vjeç, i cili tentoi të vriste me armë zjarri punonjësin e Policisë. Shërbimet e Policisë kanë kontrolluar dhjetëra banesa në qytetet Tiranë, Elbasan, Durrës dhe Vlorë dhe do të vijojnë kontrollet intesive, deri në kapjen e tij.
DVP Tiranë falënderon qytetarët, për informacionet e dhëna deri tani, të cilat janë duke u verifikuar nga Policia. Policia kërkon vijimin e bashkëpunimit, duke ftuar qytetarët që të japin informacion për autorin e kësaj ngjarjeje dhe vendos shpërblim 20 000 euro, për çdo informacion të vlefshëm, që do të çojë në kapjen e tij. Drejtoria Vendore e Policisë Tiranë vendos në dispozicion të qytetarëve, numrin e telefonit 0694111546, duke garantuar anonimatin e plotë të çdo telefonuesi”, njofton policia.
Komente
Lajme të tjera
-
VIDEOLAJM/ Shikoni trafikun kilometrik në hyrje e dalje të Tiranës
26 Dhjetor, 13:23 -
Mbledhja e qeverisë, 275 mijë familje dhe individë përfitojnë nga 15 mijë lekë shpërblim për fundvitin
26 Dhjetor, 13:06 -
'Ne blejmë më shtrenjtë se qytetarët e BE', deputetja e PL-së: Shëndeti i shqiptarëve kërcënohet si nga prodhimi vendas dhe ai i importit
26 Dhjetor, 12:40 -
Tiranë/ Shiste fishekzjarre nga bagazhi i makinës, në hetim të lirë 46-vjeçari! Policia shton masat kundër shitjes së lëndëve piroteknike
26 Dhjetor, 10:27 -
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Hetimi pasuror, kryebashkiaku i Tiranës, Erion Veliaj 5 orë në SPAK! Jep shpjegime si person që ka dijeni: Do flas në këshillin bashkiak (VIDEO)
26 Dhjetor, 09:19 -
Sot Kukësi sfidon Egnatian në finalen e Superkupës, rrogozhinasit kërkojnë 'tripletën'! FSHF asnjë shpërblim për fituesin, Tetova: Duam trofeun
26 Dhjetor, 08:42 -
FOTOT/ Tirana shkëlqen për festat e fundvitit
25 Dhjetor, 21:16 -
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55
Perse policet ketu te ne nuk veshin nje antiplumb te lehte si ne cdo vend te botes ,apo nuk i len barku i madh ?
PërgjigjuPolicia qe duam. Nuk ruajne dot veten jo me popullin
Përgjigju