Plagosja e policit në veri, Vjosa Osmani: Vepër kriminale nga Serbia! Në territorin e Kosovës s’do ketë më kurrë ushtarë dhe policë serb

Plagosja e efektivit në veri të Kosovës është një vepër kriminale e Serbisë. Kështu shprehet në një reagim në Facebook, presidentja e Kosovës, Vjosa Osmani e cila shkruan se autorët e këtij krimi të rëndë duhet të sillen përpara drejtësisë. Osmani më tej shkruan se në asnjë mënyrë nuk do të ketë më polic dhe ushtri serb në territorin e Kosovës.

“Kërcënimi i hapur për agresion policor e ushtarak nga ana e Serbisë dëshmon se në atë shtet vazhdon mendësia hegjemoniste. Kjo duhet të refuzohet e kundërshtohet qartë nga e gjithë bota demokratike, e cila i dha goditjen më të fuqishme kësaj mendësie pikërisht në vitin 1999.

LEXO EDHE:
‘NATO e ka gjithmonë një sy mbi Ballkanin’/ Ekspertja: Ja kur do të anëtarësohet Kosova në aleancë

Plagosja e mbrëmshme e një pjesëtari të Policisë së Kosovës është veprim kriminal dhe i orientuar kundër rendit kushtetues e sovranitetit të Kosovës si dhe  kundër veprimeve për sundim të rendit e ligjit. Gjithashtu, sulmet ndaj gazetarëve përbëjnë cenim flagrant të të drejtës për informim të lirë.

Autorët e këtyre krimeve, urgjentisht të sillen para drejtësisë, ndërkaq institucionet e drejtësisë duhet të veprojnë menjëherë.

Në territorin e Republikës së Kosovës kurrë më nuk do të ketë policë dhe ushtarë të Serbisë! Ëndrra hegjemoniste e Serbisë nuk do të jetësohet kurrë!”- shkroi Vjosa Osmani.

Lajmi kryesor:

Persona të maskuar në veri të Kosovës plagosin një polic! Osmani: Vepër kriminale e Beogradit! Brnabiç: Do rikthejmë trupat serbe

G.MO/Shqiptarja.com

TAG:
• plagoset polici
• serbi
• kosove
• tensione ne veri te kosoves