POP 5

Lajmet më të lexuara të 5 minutave të fundit

Politikë

Plani, Berisha do të kthehet
në krye të PD-së si PresidentPDF/Lista e themeluesve të PD

ZBULOHET PLANI/ Ish-kryeministri Sali Berisha do të rikthehet sërish në krye të PD. Demokratët do të ndryshojnë statutin e Partisë në kongresin e janarit. Në shkurt ish-kryetari merr frenat e partisë. Shkaku, mosbesimi ndaj Bashës dhe frika ndaj akuzave. Hakmarrja e Berishës kundër "delfinit" pas performancës për armët kimike. 
Shkrimi ne Shqiptarja.com PDF
TIRANE- Ish-kryeministri Sali Berisha do të rikthehet sërish në krye të PD. Ndonëse u largua përmes lotëve të tij dhe të mbështetësve pas humbjes rrënuese të 23 qershorit përballë Edi Ramës, Berisha qëndron aktiv në politikë, përmes deklaratave, konferencave të shtypit e qëndrimeve në rrjetet sociale, duke goditur çdo veprim të mazhorancës së re. Ku me sa duket ai ka pak besim se kreu i ri demokrat Lulzim Basha do arrijë të bashkojë gjithë grupet brenda PD e opozitës për të përballuar sfidën e parë elektorale përballë të majtës në pushtet. Burimet brenda PD bëjnë me dije se Berisha po sheh mundësinë e një rikthimi të butë në krye të kësaj partie pikërisht në shkurt të këtij viti, kur dhe do të bëhen zgjedhjet brenda PD sipas “një anëtar një votë” si dhe Kuvendit Kombëtar ku do zgjidhen forumet drejtuese.

Por me sa duket, duke shfrytëzuar dhe faktin se muaji shkurt është me simbolikë e veçantë, pasi 22 vite më parë ai u zgjodh kryetar i PD si dhe po këtë vit u rrëzua busti i Enver Hoxhës, Berisha do të përdorë ndryshimet në statut për t’u rikthyer në krye të PD, pa prekur Bashën në titullin e kryetarit. Zgjidhja me sa duket do të jetë përcaktimi i postit të Presidentit të PD. Një tezë që me sa duket dy ditë më parë u përmend shkarazi nga ish-kryetari i PD, Tritan Shehu teksa tha se duhet një drejtues i gjithëfuqishëm i PD, i mbështetur nga një Këshill Kolegjial, pra Presidenti i PD.

Që do thotë se ndryshimi i drejtimit e emërtesës është bërë pjesë e planit të PD për në muajin shkurt e do fiksohet në statut. Burimet në PD saktësojnë se nxitimi i Berishës për të qënë në krye të PD ka ardhur dhe për shkak të “sagës” së kallzimeve penale të mazhorancës aktuale të majtë ndaj ministrave të qeverisë së kaluar të drejtuar nga ish-kreu i PD. Fjala është dhe për ‘21 janarin’, ‘Gërdecin, ‘Rrëshen-Kalimash’, ku lakohet rëndë dhe emri i Berishës.
 
Mesila Doda kunder Bashes: “PD dështon sa herë bën llogari meskine, rrudhet”

Ish-studentja e dhjetorit ‘90, deputetja Mesila Doda në këto ditë festash, përfshirë ditëlindjen e PD, thotë se kjo forcë politike duhet të japë shembullin e një opozite që punon për vendin e që s’bllokon. Ajo tha se PD duhet të qëndrojë larg eksperimenteve me nëpunësit që i varin e ofiqe partiake, larg praktikave që ia lënë partinë në dorë njerëzve që i lidh me PD vetëm interesi ekonomik. “PD është parti e njerëzve të lirë, dështon sa herë bën llogari meskine e rrudhet kur tenton ta kthejë filozofinë në matematikë”, thotë Doda.

Shkrimi u publikua sot (11.12.2013) në gazetën Shqiptarja.com (print)
 


Lista themeluese e Partisë Demokratike të Shqipërisë (PDSH), ku janë tani emër për emër

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Pezullimi i ndihmave amerikane ndihet në mbarë globin

Pezullimi i ndihmave amerikane ndihet në mbarë globin

28 Janar, 21:07