Plani i politikës ruse në Ballkan/ Serbët e Kosovës në hapat e PD dhe LSI, kërkojnë tërheqje nga parlamenti

Përfaqësuesit serbë në Kosovë kërkuan në një takim me presidentin serb, Aleksandër Vuçiç, që të lënë të gjitha institucionet e Kosovës ku ata janë zgjedhur. 

Ky fakt u konfirmua nga vetë presidenti i Serbisë gjatë një konference për shtyp gjatë takimit me përfaqësuesit e serbëve të veriut dhe Kosovës.

"Përfaqësuesit serbë nga Kosova, si nga veriu edhe nga jugu, kërkuan nga shteti i Serbisë dhe unë si president të flisja me qeverinë serbe në kërkimin e tërheqjes nga të gjitha institucionet e Kosovës. Kjo nënkupton largimin nga parlamenti, vetëqeverisja lokale, policia rajonale zyrat e prokurorisë", deklaroi Vuçiç.

Ai shtoi se i ka kërkuar grupit të përfaqësuesve të bëjnë durim edhe për 45 deri në takimin e tij të planifikuar me presidentin e Kinës në kuadër të Samitit “Rruga e mëndafshit”.

Vuçiç i bëri thirrje serbëve të Kosovës të mos marrin pjesë në ushtrinë e saj e cila sipas presidentit serb shërben vetëm për sulme ndaj serbëve.

Ashtu si Serbët edhe PD-LSI po i jep mesa duket nje dore politikes ruse ne Ballkan, duke ndermarre masa anti-demokratike dhe anti-euroatlantike, qe shkojne eventualisht ne krah te politikes ruse.

 

TAG:
• Kuvendi i kosoves
• Aleksandar Vuçiç
• politika ruse