Planveprimi antikorrupsion,Rauning
"Duhet bashkëpunim institucional"
Në luftën kundër korrupsionit është tejet i rëndësishëm bashkëpunimi mes të gjitha institucioneve të pavarura, të cilat luajnë një rol kyç në parandalimin dhe luftimin e korrupsionit. Kështu deklaroi Ambasadori i OSBE-së në Tiranë, Florian Raunig, gjatë prezantimit të Projektit të Planit të Veprimit Kundër Korrupsionit për periudhën 2014-2017.
TIRANE - Në luftën kundër korrupsionit është tejet i rëndësishëm bashkëpunimi mes të gjitha institucioneve të pavarura, të cilat luajnë një rol kyç në parandalimin dhe luftimin e korrupsionit.
Kështu deklaroi Ambasadori i OSBE-së në Tiranë, Florian Raunig, gjatë prezantimit të Projektit të Planit të Veprimit Kundër Korrupsionit për periudhën 2014-2017, organizuar sot në bashkëpunim me Ministrin e Shtetit për Çështjet Vendore, Bledi Çuçi.
Raunig theksoi se përfshirja dhe angazhimi i tyre profesional nga ILDKPKI, Prokuroria e Përgjithshme. KLSH dhe KLD, është vendimtar për suksesin e veprimeve kundër korrupsionit, në mënyrë të veçantë për hetimin dhe ndjekjen penale të zyrtarëve të lartë.
Duke vlerësuar punën e qeverisë, dhe veçanërisht të Ministrit Çuçi, për vullnetin dhe angazhimin për të luftuar korrupsionin në vend, Ambasadori vuri në dukje se korrupsioni gërryen besimin e qytetarëve tek institucionet publike dhe dëmton veçanërisht personat në nevojë, të cilëve u duhen më shumë shërbimet publike. Sipas tij, pasuritë publike devijohen në xhepat e individëve të korruptuar në vend që të përdoren për investime në transport, energji, mjedis, shëndetësi, arsim e të tjera.
Prandaj, shtoi ai, është me rëndësi që të harmonizojmë përpjekjet dhe të ndërmarrim veprime konkrete për të minimizuar këtë dukuri, të dënojmë zyrtarët e korruptuar dhe të kthejmë besimin e publikut. Për zbatimin e këtij Plani Veprimi, Raunig theksoi se edhe vullneti politik është thelbësor për arritjen e rezultateve të prekshme nga ky plan veprimi.
“Një dokument i vetëm nuk mund ta çrrënjosë korrupsionin, por mund të nxisë angazhimin e qëndrueshëm në të gjitha nivelet për të filluar luftën efektive kundër korrupsionit në Shqipëri. Nëse nuk veprojmë tani, çmimi ekonomik, shoqëror dhe moral që do të duhet të paguajnë qytetarët dhe brezat e ardhshëm do të jetë më i lartë”, përfundoi Ambasadori i OSBE-së.
Nga ana e tij, ministri Bledi Çuçi tha se ky plan sjell masa konkrete për luftën ndaj korrupsionit dhe I bëri thirrje shoqërisë civile të bëjë detyrën e saj dhe të nxjerrë në pah problemet.
Marrë nga "ATSH"Redaksia Online
(e.c/shqiptarja.com)
Sondazhi i ditës:
Skandali tek Onkologjiku, e kujt është përgjëgjesia?
-
Mjekëve
40.2%
-
Ministrisë
56.8%
-
Nuk e di
3%
Vota total: 2593
Votat totale janë unike
Lajme të tjera
-
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59
-
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51
-
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45
-
Basha takon ambasadoren e OSBE, në fokus reforma zgjedhore dhe drejtësia
18 Prill, 19:56
-
Celibashi diskuton me përfaqësues të ODIHR për auditimin e teknologjive në zgjedhje: Vendosëm piketat për bashkëpunim të ngushtë teknik
13 Prill, 19:27
-
Prezenca e OSBE-së organizon vizitë në Suedi për gazetarët shqiptarë, për të përmirësuar raportimin për çështjet e sigurisë
13 Prill, 14:03
-
Ambasadorët e QUINT-it në OSBE vizitë në Shqipëri: Përmbushni rekomandimet e ODIHR për reformën zgjedhore
19 Mars, 17:52
-
Gjiknuri dhe Alibeaj takohen me përfaqësuesit e ODIHR-it, dakordësim për mënyrën e hartimit të drafteve ligjore për ndryshime në Kodin Zgjedhor
4 Mars, 17:30
-
OSBE trajnon qentë…
2 Mars, 18:06
-
Celibashi takon kryetaren e misionit të OSBE-së: Zhvilluan një bisedë të thelluar mbi Reformën Zgjedhore në Shqipëri
16 Shkurt, 15:34
-
Sot Dita Ndërkombëtare Përkujtimore e Holokaustit, ish-ambasadori i OSBE: Si i shpëtuan shqiptarët hebrenjtë nga nazistët
27 Janar, 08:59
-
Një ditë para mbledhjes së komisionit për 'Zgjedhoren', OSBE apel deputetëve: Kontribuoni për një proces parlamentar funksional
18 Janar, 16:50