TIRANË- Kryeministri Edi Rama ka zhvilluar sot në sallën e Hartave në Kryeministri takimin e parë për këtë vit për platformën e Bashkëqeverisjes dhe me koordinatorët e kësaj platforme. Rama tha se numri i rasteve që kanë denoncuar në këtë platformë është rritur. Kryeministri tha se qytetarët duhet të vazhdojnë t'i drejtohen platformës për të gjetur zgjidhje për problemet e tyre. Rama tha se nëse do të ketë vonesa të qëllimshme për zgjidhjen e ankesave atëherë do të ketë ndëshkime. Kryeministri foli për studentët dhe bojkotin e mësimit në disa fakultete. Kryeministri nuk la pa përmendur pedagogët dhe anëtarët e sekretariateve, që sipas tij, kanë dezinformuar si dhe kanë zgjedhur të mos shkojnë në orët e mësimit. Rama foli edhe për tarifat e masterit, dhe tha se tarifat do të përgjysmohen vetëm për studentët ekselentë dhe ata që vijnë nga familje me ndihmë ekonomike.
Në takimin e zhvilluar me koordinatorët e bashkëqeverisjes, Rama iu bëri thirrje qytetarëve që t’i drejtohen platformës. Rama paralajmëroi se në rast se do të shihet se ka vonesa të qëllimshme për zgjidhjen e ankesave atëherë do të merren masat. “ Drejtojuni platformës, brenda 10 ditësh do keni përgjigje. Nëse ka do shihet se ka vonesa të qëllimshme atëherë do të ketë ndëshkime.”-tha Rama.
Kryeministri Edi Rama në nisje të fjalës së tij me koordinatorët e bashkëqeverisjes, kësaj here ka folur për pedagogët. Rama tha se të gjithë shqiptarët u informuan se tarifat do të përgjysmohen, por sipas tij, vetëm “bufat e sekretarisë së universiteteve” nuk e kanë ditur. Rama tha për pedagogët se kanë zgjedhur vetë të bojkotojnë mësimin. “Qeveria do paguajë 50% të tarifës për studentët, 100 % për ata me ndihmë ekonomike dhe kategorinë të sepcifikuara që do marrin një bursë studimore. Tani këtë edhe bufat e parkut të liqenit e kanë marrë vesh nuk e paskan marrë vesh disa bufa të sekretarisë së universiteteve. Ka pedagogë që nuk duan të bëjnë mësim, por preferojnë që t'i lënë studentët rrugëve se duan të rrinë vetë nëpër kafe. Bëjnë lojën e nonë dajës.”-tha Rama.
Kryeministri Edi Rama ka përsëritur qëndrimin e qeverisë lidhur me kërkesën për uljen e tarifave të masterit. Rama tha se përgjysmim për masterin do të përfitojnë të gjithë studentët ekselentë dhe ato që vijnë nga familje me ndihmë ekonomike.
“E kam dëgjuar fjalën master deri në 3 të mëngjesit më shumë se tërë gjelat e Surrelit. S’ka mundësi dhe s’është e drejtë të ndërhyhet tek masteri, nuk ndodh askund. Do të përgjysmojmë masterin për ata me 9-10 dhe ata që vijnë nga familje me ndihmë ekonomike. Të tjerët do e paguajnë të plotë. S’kalohet jeta studentore duke kërkuar nga shteti apo nga prindërit. “-tha Rama.
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
Çiklizëm/ 'Giro d’Italia' 2025 fillon nga Shqipëria me tre etapa, Rama: Garohet në Tiranë, Durrës dhe Vlorë! Ndiqet nga 800 milionë njerëz (Itinerari)
23 Dhjetor, 13:07
